Dwergvisvanger

Die dwergvisvanger is 'n redelik algemene intra-Afrikaanse trekvoël wat leef in boomveld, savanne en kuswoud. In Suider-Afrika is dit 'n broeiende somerbesoeker in die bosveldgebiede. In Engels staan dit as die African pygmy kingfisher bekend.

Dwergvisvanger
Volwassene in Kenia
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Alcedinidae
Genus:	Ispidina
Spesie:	I. picta
Binomiale naam
Ispidina picta Boddaert, 1783
Subspesies
Sien teks
verspreiding volgens IUCN      standvoël      broeiende somerbesoeker
Sinonieme
Ceyx pictus

Identifikasie

Die voël is 12 cm lank en weeg 12 tot 17 gram. Dit is 'n droëgrond visvanger met besonder helder kleure. Dit is kleiner as die kuifkopvisvanger. Die wenkbroue is oranje, die gesig is grotendeels rooibruin en die oordekvere is violet getint. Die jong voël het 'n swarterige snawel en verspreide, donker snorstrepe.

Subspesies

Daar is drie erkende subspesies:

• I. p. picta (Boddaert, 1783) — Senegal en Gambië tot Ethiopië en suidwaarts tot Oeganda
• I. p. ferrugina Clancey, 1984 — Guinea-Bissau tot westelike Oeganda en suidwaarts tot Angola, Zambië en noordelike Tanzanië
• I. p. natalensis (Smith, A, 1832) — suidelike Angola tot sentraal-Tanzanië, suidwaarts tot noordelike en oostelike Suid-Afrika

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7