Kuifkopvisvanger

Die kuifkopvisvanger (Corythornis cristata) is 'n algemene standvoël van Afrika. In Engels staan dit as die malachite kingfisher bekend.

Kuifkopvisvanger
Volwassene in Zambië
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Coraciiformes
Familie:	Alcedinidae
Genus:	Corythornis
Spesie:	C. cristata
Binomiale naam
Corythornis cristata (Pallas, 1764)
Subspesies
Sien teks

Identifikasie

'n Jongvoël in Kenia

'n Jongvoël te Pilanesberg- Nasionale Park

Dit is 'n klein visvanger, 13 tot 14 cm in lengte. Die kleur van die boonste gedeelte is 'n helder glansende blou. Die kop het 'n kort kuif soos 'n mussie bestaande uit swart en turkoois vere met 'n lang, reguit rooi bek. Jonges het swart snawels en is valer van kleur.

Habitat

Kom een-een voor by stadigbewegende water van riviere en damme met oewerplantegroei, en sit laag op riete, takkies of rotse vanwaar dit visvang.

Verspreiding

Wydverspreid in Afrika suid van die Sahara met uitsluiting van groot dele van die Noord-Kaap, Botswana en Namibië.

Geluid

Uiter 'n skril "pieep-pieep" as dit opgejaag word. Die broeisang is "li-cha-cha-chui-chui".

Subspesies

• A. c. christata
• A. c. galerita
• A. c. robertsi
• A. c. stuartkeithi

Ander name

• Engelse naam: Malachite kingfisher
• Wetenskaplike naam: Alcedo cristata

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name