Jack (Kaapse bobbejaan)
Jack (oorlede in 1890) was 'n Kaapse bobbejaan, wat 'n mate van roem bereik het as die assistent van 'n gestremde spoorwegseinwagter in Suid-Afrika.[1]
Geskiedenis
wysig
Jack was die troeteldier en assistent van die seinwagter en parapleeg James Wide, wat gewerk het vir die Kaapstad-Port Elizabeth-Spoorwegdiens. James "Jumper" Wide was bekend vir sy spronge tussen treinwaens voordat hy in 'n ongeluk geval en albei sy bene verloor het.[2] Om te help met die uitvoering van sy pligte, het Wide die bobbejaan genaamd "Jack" gekoop en hom opgelei om sy rolstoel te stoot en om die spoorwegseine onder toesig te hanteer.
'n Amptelike ondersoek is van stapel gestuur na berig van 'n bekommerde lid van die publiek dat 'n bobbejaan die verandering van die spoorwegseine by Uitenhage naby Port Elizabeth hanteer het.[3]
Ná aanvanklike skeptisisme het die spoorweg besluit om vir Jack amptelik in diens te neem indien sy werksbevoegdheid bevestig sou kon word. Die bobbejaan het twintig sent per dag en 'n halwe bottel bier elke week ontvang. Daar word wyd berig dat in die nege jaar wat hy by die spoorweg gewerk het, Jack nooit 'n fout gemaak het nie.
Ná nege jaar se diens het Jack gesterf weens tuberkulose in 1890.[3] Sy skedel is in die versameling van die Albany-Museum in Grahamstad.
Aantekeninge en verwysings
wysig- ↑ Morris 2003, p. 242.
- ↑ Williams, Michael (2 Augustus 2012). "Stranger Than Fiction: Jack the Signalman" (in Engels). Knoxville Daily Sun. Geargiveer vanaf die oorspronklike op 19 Januarie 2020. Besoek op 27 Oktober 2014.
- ↑ 3,0 3,1 Cheney & Seyfarth 2008, p. 31.
- Cheney, Dorothy L.; Seyfarth, Robert M. (2008). The Primate Mind in Myth and Legend. University of Chicago Press. ISBN 0226102440.
{{cite book}}: Ongeldige|ref=harv(hulp) - Morris, Simon Conway (2003). Life's Solution: Inevitable Humans in a Lonely Universe. Cambridge University Press. ISBN 978-1-139-44080-6.
{{cite book}}: Ongeldige|ref=harv(hulp)