Jack Brymer

John (Jack) Alexander Brymer (27 Januarie 1915 – 15 September 2003) was 'n Engelse klarinettis. The Times het hom "die voorste klarinettis van sy generasie, miskien van die eeu" genoem. Hy was as speler grootliks selfgeleer en het as amateur opgetree voordat hy deur Thomas Beecham uitgenooi is om in 1947 by die Koninklike Filharmoniese Orkes aan te sluit. Hy het tot 1963 by die orkes gebly, te wete twee jaar na Beecham se dood.

Brymer het later in die BBC Simfonieorkes en London Simfonieorkes gespeel. Hy was ook geassosieer met verskeie kamermusiek ensembles en het 'n lewenslange behae daarin gehad om jazz te speel. Hy het van die tydperk van 1950 tot 1993 verskeie professorale poste gehou, eerste by die Koninklike Akademie van Musiek, daarna by die Koninklike Militêre Skool van Musiek, en uiteindelik by die Guildhall School of Music and Drama. Hy het dikwels as beide speler en aanbieder uitsendings gemaak, en opnames van solo-werke, sowel as werke saam met orkeste en kleiner groepe gemaak. Hy het twee volumes memoires en 'n boek oor die klarinet gepubliseer.

Jack Brymer se graf by St Peter's Church in Limpsfield, Surrey.

Publikasies

Boeke

• Clarinet (Yehudi Menuhin Music Guides). Londen: Macdonald and Jane's. 1976. ISBN 0-356-08414-0. (ook gepubliseer in Franse en Duitse uitgawes)
• From Where I Sit. Londen: Cassell. 1979. ISBN 0-304-30313-5.
• In the Orchestra. Londen: Hutchinson. 1987. ISBN 0-09-168450-1.

Video

• Play the Clarinet. Londen: Novello and Co. 1990. OCLC 25931787.

Bronne

• Morrison, Richard (2004). Orchestra – The LSO: A Century of Triumph and Turbulence. London: Faber and Faber. ISBN 0-571-21584-X.

Eksterne skakels

• 'n Onderhoude met Jack Brymer wat in 1992 opgeneem is - 'n Britse Biblioteek klankopname