James Alexander

James Alexander (8 Januarie 1978 tot 28 April 2023, ook bekend as James Gracie) was ‘n Suid-Afrikaanse akteur en vervaardiger. Hy was veral bekend vir sy rol as Dr Rico Maartens in die M-Net en kykNET Afrikaanse sepie Binnelanders van 2005 tot 2008 en het ook vir die rol van Tristan in M-Net se The Wild.

Loopbaan

Die Boksburg-gebore akteur en het in Suid-Afrika, die Verenigde Koninkryk en die Verenigde State gewerk. Hy was in 2004 die mede-aanbieder van die M-Net-werklikheidskompetisieprogram Project Fame en het in SABC1 se Generations, SABC2 se Binnelandse Sake en in die kortfilms Thoughts, Lost en Voëltjie verskyn. Hy het in verskie rolprente en reeks gespeel waaronder die derde seisoen van die Amerikaanse reekse Black Sails,Semi-Soet, Donderland, Geraamtes in die Kas, Discreet, Sink, Heartlines, Madiba, Roots, The Book of Negroes, en het as Lemmer in M-Net se Trackers verskyn.

Persoonlike lewe

Alexander was met die aktrise Anel Alexander (gebore Flett) getroud. Die egpaar wat Suid-Afrika in 2016 verlaat het, het in 2022 na Suid-Afrika teruggekeer nadat hulle in Los Angeles gewoon het en vir vyf jaar in Hollywood gewerk het. Hy is in Januarie 2019 met kop- en nekkanker gediagnoseer.

Bronne

• Tamika Gounden, SA Actor James Alexander Dies. 29 April 2023.EWN. Besoek 29 April 2023. https://ewn.co.za/2023/04/29/sa-actor-james-alexander-dies

• Thinus Ferreira, Actor and producer James Alexander dead at 45, 29 April 2023. News24. Besoek 29 April 2023. https://www.news24.com/life/arts-and-entertainment/celebrities/actor-and-producer-james-alexander-dead-at-45-20230429