Jane Alexander
Jane Alexander is 'n Suid-Afrikaanse beeldhouer en skilder wie se werke al internasionaal uitgestal is. Sy is veral bekend vir haar lewensgroot beelde, met menslike vorms, wat met horings, vlerke, hoewe en ander voorwerpe versier is. Alexander is in 1959 in Johannesburg gebore. In onderskeidelik 1982 en 1988 verwerf sy BA- en MA grade in beeldende kunste aan die Universiteit van die Witwatersrand. As student is sy deur die sosio-politieke onrus in Suid-Afrika beïnvloed. As gevolg hiervan begin sy temas van aggressie, geweld, lyding en die samelewing in haar werke aanspreek. Sy is al 'n paar keer vir haar kuns vereer, waaronder die Standard Bank Jong Kunstenaars-prys (1995), die ENB Vita-prys (1996) en die DaimlerChrysler-kunsprys (2002).[1]
Jane Alexander | |
|---|---|
| Gebore | 1959 |
| Nasionaliteit | Suid-Afrika |
| Beroep | Beeldhouer, skilder |
| Bekend vir | Butcher Boys |
Onder haar kunswerke tel African Adventure (1999–2002) en The Butcher Boys (1985–1986). Sy is tans 'n senior lektor aan die Michaelis-kunsskool in die Kaap.
Sien ook
wysigVerwysings
wysig- ↑ Jane Alexander bekroon met gesogte kunsprys Geargiveer 4 Januarie 2016 op Wayback Machine, Die Burger, 29 Oktober 2001