Japan Rugby League One
Die Japan Rugby League One (Japannees: ジャパンラグビーリーグワン; vanaf 2003 tot 2021 die Top League) is ’n rugbykompetisie in Japan. Dit is die hoogste vlak van rugbykompetisies in Japan en is ’n professionele liga. Voorheen was dit ’n industriële liga, wat beteken dat talle spelers werknemers was van hul maatskappy en die spanne elkeen deur groot maatskappye besit is. Die Japannese Rugbyvoetbalunie (JRVU) het die kompetisie in 2003 op die been gebring deur die Japanse Maatskappy-rugbyvoetbalkampioenskap te absorbeer sodat die algehele standaard van die sport verbeter kan word, die gewildheid van die sport toeneem en die resultate van die Japannese nasionale rugbyspan verbeter. Twaalf spanne het aan die eerste seisoen in 2003–04 deelgeneem. In 2006–07 is die kompetisie na veertien spanne uitgebrei en in 2013–14 na sestien.
| Japan Rugby League One | |
| 2023–24 Japan Rugby League One | |
Kenteken van die Japan Rugby League One
| |
| Sportsoort | Rugby |
|---|---|
| Gestig | 2003 |
| Eienaar | Japannese Rugbyvoetbalunie |
| Inwydingseisoen | 2003–04 |
| Deelnemende lande |  Japan
|
| Divisies | Eerste divisie Tweede divisie Derde divisie |
| Aantal spanne | 12 |
| Mees onlangse kampioen | Saitama Wild Knights |
Tot in 2022 was dit ’n industriële liga, wat beteken dat talle spelers werknemers was van hul maatskappy en die spanne elkeen deur groot maatskappye besit is. Hoewel die toernooi vir sy hoë salarisse bekend is, speel net ’n klein aantal wêreldklasspelers en min Japannese spelers professioneel, wat beteken dat die meeste spelers amateurs is. Die vertraagde 2021-seisoen was die laaste van die Top League, nadat die JRVU ’n nuwe professionele toernooi met drie divisies vanaf 2022 goedgekeur het.[1] In Januarie 2021 is meer details omtrent die struktuur aan die media verduidelik. Dit sal 25 spanne behels, van wie die boonste twaalf spanne in twee konferensies verdeel sal word, met sewe spanne wat in afdeling twee en ses spanne wat in afdeling drie sal speel.[2] Die nuwe toernooi is in Julie 2021 as Japan Rugby League One bekendgestel.[3]
Die meesterbrein agter die liga was Hiroaki Shukuzawa wat die dringendheid aan ’n verbetering van die Japanse plaaslike maatskappy-rugbykompetisie na ’n professionele vlak gevoel het, wat Japan uiteindelik in staat sou stel om meer mededingend te wees in internasionale rugby. Talle buitelanders het hulself al beskikbaar gestel om in die Top League te speel. In die 2010’s het salarisse in die Top League van die hoogste in die rugbywêreld geword met Jaque Fourie wat in 2012 die bes betaalde rugbyspeler in die wêreld was.[4]
Kampioene
wysig
| Seisoen | Japan Rugby League One-kampioene |
|---|---|
| Japan Rugby League One | |
| 2023 |  Kubota Spears Funabashi Tokyo Bay
|
| 2022 |  Panasonic Wild Knights
|
| Top League | |
| 2021 | Panasonic Wild Knights
|
| 2019–20 | seisoen afgelas |
| 2018–19 |  Kobelco Steelers
|
| 2017–18 |  Suntory Sungoliath
|
| 2016–17 | Suntory Sungoliath
|
| 2015–16 | Panasonic Wild Knights
|
| 2014–15 | Panasonic Wild Knights
|
| 2013–14 | Panasonic Wild Knights
|
| 2012–13 | Suntory Sungoliath
|
| 2011–12 | Suntory Sungoliath
|
| 2010–11 | Sanyo Wild Knights
|
| 2009–10 |  Toshiba Brave Lupus
|
| 2008–09 | Toshiba Brave Lupus
|
| 2007–08 | Suntory Sungoliath
|
| 2006–07 | Toshiba Brave Lupus
|
| 2005–06 | Toshiba Brave Lupus
|
| 2004–05 | Toshiba Brave Lupus
|
| 2003–04 | Kobe Steel Kobelco Steelers*
|
Notes:
* NEC Green Rockets het die Microsoftbeker in 2003–04 gewen. Die beker is geag as ’n afsonderlike kompetisie van die Top League voor 2007.
Verwysings
wysig- ↑ (en) "Framework of Entry Conditions to New League". Japannese Rugbyvoetbalunie. 1 Julie 2020. Besoek op 22 Februarie 2021.
- ↑ (en) "Japan's new rugby union league to launch in 2022". Sports Pro Media. 18 Januarie 2021. Besoek op 22 Februarie 2021.
- ↑ (fr) "La nouvelle ligue japonaise s'appelle la Japan Rugby League One". Asie Rugby. 16 Julie 2021. Besoek op 16 Julie 2021.
- ↑ (en) "Die 4.25 miljoen pond vraag". ESPNccrum. 24 Mei 2012. Geargiveer vanaf die oorspronklike op 8 Mei 2013. Besoek op 24 Mei 2012.
Eksterne skakels
wysig
Wikimedia Commons het meer media in die kategorie Japan Rugby League One.- (ja) Amptelike webwerf
