Japannese Selfverdedigingsmag

Die Japannese Selfverdedigingsmag (Japannees: 自衛隊; Jieitai, Engels: Japan Self-Defense Forces, JSDF) vorm die weermag van Japan. Die leër is na die Tweede Wêreldoorlog gestig en is die opvolger van die Japannese Keiserlike Leër. Dié leër het nog nooit aan enige gevegte deelgeneem nie, maar is sedert 1995 ingeskakel by vredesoperasies, in lande soos Kambodja, Djiboeti en Irak, maar ook by hulpoperasies soos na die aardbewing in Haïti in 2010, en China in 2009.

Vlag van die Japannese Selfverdedigingsmag (verhouding 5:6)

Vlag van die Japannese Selfverdedigingsmag, afkomstig van die voormalige Japannese Keiserlike Vloot

Japannese matrose aan boord die opleidingskip JDS Kashima (TV-3508) op besoek aan Pearl Harbor, 2004.

'n Tipe 74-tenk van die Landmag

Statuut

Die Japannese militêre kapasiteit word ernstig beperk deur artikel 9 van die Grondwet van Japan. Dié artikel bepaal dat die Japannese volk vir ewig afstand doen van hul soewereine reg – as staat – om internasionale dispute met geweldpleging te besleg en dat Japan nooit 'n land-, lug- of seemag sal hê nie. Die artikel word deur Japan so geïnterpreteer dat dit slegs selfverdediging toelaat. Op basis van die Wet op die Selfverdedigingsmagte van 1954 rig hul nogtans 'n "leër" op.

Mannekrag en organisasie

Op 31 Maart 2014 beskik die JSDF oor 247 160 manskappe. Hiervan behoort 159 200 tot die Landmag, 45 500 tot die Vloot en 47 100 tot die Lugmag.

Hierdie artikel is in sy geheel of gedeeltelik vanuit die Nederlandse Wikipedia vertaal.