Javier Sotomayor
Javier Sotomayor Sanabria (Spaanse uitspraak: [xaˈβjeɾ sotomaˈʝoɾ]; gebore 13 Oktober 1967) is 'n Kubaanse voormalige atleet wat in die hoogspring gespesialiseer het en die huidige wêreldrekordhouer is. Hy was die goue medalhe wenner by die 1992 Olimpiese Spele en dominante hoogspringer van die 1990's. Sy persoonlike beste van 2,45 m maak hom die enigste persoon wat ooit hoër as agt voet (2,44 m) gespring het. Hy het twee keer agt voet en hoër gespring, die eerste keer met 2,44 m in 1989.[1][2][3]
Sotomayor is 'n tweemalige goue medaljewenner by die IAAF Wêreldkampioenskappe in Atletiek, en het ook twee silwermedaljes by die kompetisie gewen. By die IAAF Wêreld Binnenshuise Kampioenskappe het hy vier goue medaljes tussen 1989 en 1999 gewen. Boonop het hy drie agtereenvolgende titels by die Pan-Amerikaanse Spele van 1987 tot 1995 gewen. Hy word as die beste hoogspringer van alle tye beskou. Nadat Kubaanse boikotte van die Olimpiese Spele in 1984 en 1988 en 'n besering in 1996 hom kanse op bykomende Olimpiese medaljes gekos het, het hy die silwermedalje by die 2000 Olimpiese Spele in Sydney gewen. Hy het in 2001 afgetree.[4]
Persoonlike lewe
wysigSotomayor is op 13 Oktober 1967 in Limonar, Matanzas-provinsie gebore. Hy is die seun van 'n dagsorgwerker en 'n suikerfabriekonderhoudsman. Sotomayor is na 'n Kubaanse sportskool gestuur as 'n voornemende basketbalspeler vanweë sy lengte. Op 14-jarige ouderdom het afrigters sy talent in hoogspring begin ontwikkel en teen 19 was hy nommer vyf in die wêreld.
Sotomayor is verloof aan Amaya González en deel privaat en professionele lewe. Hy het vier seuns. Een van sy seuns, Javier Sotomayor García, het ook aan hoogspring deelgeneem.
Verwysings
wysig- ↑ Personal best height progression – "Athletes biography". www.iaaf.org
- ↑ The New York Times, dateline Salamanca, Spain, July 27; Track and Field: Sotomayor's 8-1/2 Leap Breaks High Jump Mark Geargiveer 1 Desember 2017 op Wayback Machine; accessed 20 February 2011.
- ↑ Chicago Tribune, August 11, 1991; "Cuba's Best Jumper Answers Fan's Yearning for Gold"; accessed 21 February 2011.
- ↑ "Javier Sotomayor". IAAF.org. Geargiveer vanaf die oorspronklike op 26 Oktober 2012. Besoek op 5 September 2008.