Jayavarman VIII
Jayavarman VIII (Khmer: ជ័យវរ្ម័នទី៨), postuum bekend as Paramesvarapada, was een van die prominente konings van die Khmer-ryk. Hy het regeer van 1243 tot 1295, toe hy geabdikeer het. Een van sy koninginne was Chakravartirajadevi.[1]:181,191–192,211–212 Hy het Hindoeïsme aangeneem ondanks sy pa wat ’n Boeddhis was en het dié geloof dwarsdeur sy heerskappy beoefen.
| Jayavarman VIII | |
|---|---|
| Koning van die Khmer-ryk | |
| Bewind | 1243-1295 |
| Voorganger | Indravarman II |
| Opvolger | Indravarman III |
| Dinastie | Khmer-ryk |
| Postume naam | Paramesvarapada |
Tydens Jayavarman VIII se bewind het die Mongoolse magte onder Koeblai Khan in 1283 Angkor aangeval. Dit was nadat Jayavarman VIII afgesante van die Mongoolse opperbevelhebber in Champa in 1281 gevange geneem het.[1]:192[2] In 1283 het hy besluit om belasting te betaal en vrede te koop, en so het sy bewind oorleef.[3]
Jayavarman VIII het ’n verwoestende oorlog teen die koninkryk Sukhothai gevoer.[1]:211
Hy was ’n Shaivis. Sy bewind is in 1295 deur sy skoonseun Indravarman III (Srindravarman), ’n Boeddhis, omvergewerp.
Verwysings wysig
- ↑ 1,0 1,1 1,2 Coedès, George (1968). Walter F. Vella (red.). The Indianized States of Southeast Asia. vert. Susan Brown Cowing. University of Hawaii Press. ISBN 978-0-8248-0368-1.
- ↑ Chou Ta-kuan 周達観 (Zhou Daguan, fl.1297), Customs of Cambodia 風土記 , vert. Paul Pelliot en J. Gilman d’Arcy Paul, Bangkok, Siam Society, 1993, pp.xviii-xix.
- ↑ Cœdès, George. (1956) The Making of South East Asia, pp.127-128.
Eksterne skakels wysig
Hierdie artikel is vertaal uit die Engelse Wikipedia
