Jeanine Hennis-Plasschaert

Jeanine Antoinette Hennis-Plasschaert (gebore 7 April 1973 in Heerlen) is 'n Nederlandse politikus vir die regs-liberale VVD-party. Sy was die Minister van Verdediging in die Rutte II-kabinet gewees. Sedert 2018 werk sy by die Verenigde Nasies.

Jeanine Hennis
Minister van Verdediging
Ampstermyn 2012 – 2017
Voorafgegaan deur	Hans Hillen
Opgevolg deur	Klaas Dijkhoff
Tweede Kamerlid
Ampstermyn 2017 – 2018
Ampstermyn 2010 – 2012
lid Europees Parlement
Ampstermyn 2004 – 2010
Persoonlike besonderhede
Gebore	7 April 1973 (1973-04-07) Heerlen, Nederland
Politieke party	VVD
Eggenoot/-note	Erik-Jan Hennis
Religie	Rooms-Katoliek (opgevoed)

Opleiding

Hennis studeer van 1991 tot 1994 regte aan die Rijksuniversiteit Utrecht, maar voltooi nie haar studies nie. In 1994 word sy opgelei as sekretaris van die European Secretarial Academy aan Instituut Schoevers te Utrecht.

Loopbaan

Voordat Hennis die politiek betree het, was sy 'n medewerker by die Europese Kommissie vir Uitbreiding, 'n deel van die Europese Unie. Sy is ook namens hierdie Kommissie uitgestuur na Riga (Letland). Daarna was sy werksaam as adviseur by 'n internasionale rekenmeesterskantoor en by die Kollege van Burgemeester en Wethouers van die gemeente Amsterdam. In 2004 is sy 'n lid van die Europese Parlement, in 2010 van die Tweede Kamer, van 2012 tot 2017 is sy Minister van Verdediging en in 2017 is sy opnuut 'n lid van die Tweede Kamer.

Persoonlik

Jeanine Hennis-Plasschaert is sedert 27 September 2003 getroud met Erik-Jan Hennis. Hulle is Rooms-Katoliek opgevoed.

Bronne

• Lewensloop, Parlement.com