Jeremy Clarkson
Jeremy Clarkson (1960-) is ’n Britse joernalis en TV-aanbieder. Hy is veral bekend vir die program Top Gear, waarin hy die werkverrigting van motors toets. Hy is ook bekend vir sy sterk, allermins politiek korrekte menings.[1]
Jeremy Clarkson | |
|---|---|
 Clarkson, 2006 | |
| Gebore | Jeremy Charles Robert Clarkson 11 April 1960 Doncaster, West Riding of Yorkshire |
| Nasionaliteit | Verenigde Koninkryk |
| Beroep | Joernalis, TV-aanbieder |
| Eggenoot | Alexandra James (t. 1989; skei 1990) Frances Cain (t. 1993; skei 2014) "Partner" Lisa Hogan (2017–tans) |
| Kinders | 3 |
| Ouer(s) | Shirley en Eddie Clarkson |
Hy bied van 1988 tot 2001 die program Top Gear vir die BBC aan. Dit word van 2002 tot 2015 opgevolg met 'n gelyknamige program in 'n nuwe formaat. In 2015 is aangekondig dat die BBC nie sy kontrak gaan verleng nie. Clarkson het na bewering vir Oisin Tymon ('n vervaardiger van die program) geslaan, wat hiertoe aanleiding gegee het. Chris Evans het vervolgens die aanbieder van die program geword. In Augustus 2015 word aangekondig dat Clarkson saam met James May en Richard Hammond die program The Grand Tour vir Amazon se TV-afdeling gaan aanbied.
Lewensloop
wysig.jpg)
Jeremy Charles Robert Clarkson is op 11 April 1960 in Doncaster in Engeland gebore. In 1977 het sy oupa hom 'n toetsrit in sy R-tipe Bentley gegee, wat sy liefde vir motors aangevuur het. Ná sy opleiding as verslaggewer besluit hy om oor motorkarre te skryf, en begin hy die Motoring Press Agency in 1984. Daarna het hy vir talle motortydskrifte geskryf en was hy van 1986 tot 1993 'n rubriekskrywer vir Performance Car gewees. Hy het ook weeklikse bydraes vir koerante soos The Sun, UK Daily en The Sunday Times gelewer.
In 1993 bied Clarkson die programme Star Cars en Motorworld aan. Daarna bied hy in Januarie 1998 die program Jeremy Clarkson’s Extreme Machines en in 2000 Clarkson’s Car Years aan. Hy was ook op 'n keer 'n gas op die program What not to wear gewees, waarin sy klerekeuse deur Trinny en Susannah afgekraak is.
Jeremy woon in Chipping Norton in die Cotswolds met sy tweede vrou Frances Cain en hul drie kinders, Emily, Finlo en Katya. Hy het ook 'n herehuis op die eiland Man. Op 5 Mei 2014 maak beide persone bekend dat hulle na 'n huwelik van 21 jaar gaan skei. Sy vriendin is tans Lisa Hogan.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
wysig- Jeremy Clarkson in die Internet-rolprentdatabasis
Wikimedia Commons het meer media in die kategorie Jeremy Clarkson.
