Joanne Harris

Joanne Michèle Sylvie Harris is 'n Engelse skrywer wat veral bekend is vir die skryf van die roman Chocolat; wat later vir die rolprent Chocolat (2000) aangepas is.

Joanne Michèle Sylvie Harris
Gebore	1964 Barnsley, Yorkshire, Verenigde Koninkryk
Nasionaliteit	Verenigde Koninkryk
Beroep	Skrywer

Biografie

Harris was in Barnsley in Yorkshire gebore as die dogter van 'n Engelse vader en 'n Franse moeder. Haar ouers was beide onderwysers van moderne tale en literatuur by 'n plaaslike openbare skool. Haar eerste taal was Frans, wat divisie in haar Engelse familie veroorsaak het, wat nie Frans gebesig het nie, en haar Franse familie, waar niemand weer Engels gepraat het nie. Beide families het rowwe geskiedenisse gehad en 'n tradisie van sterk vroue, storievertelling, volksverhale en bedrywigheid in die kombuis.

Vroeë lewe

Harris het op 'n vroeë ouderdom begin skryf. Sy was sterk beïnvloed deur die Broers Grimm se feëverhale, Charles Perrault se werk, asook plaaslike volksverhale en Noorse mitologie. Sy was opgevoed by Wakefield Meisies Hoërskool, Barnsley Sixth Form College, en Sint Catharine Kollege, Cambridge, waar sy moderne en middeleeuse tale studeer het.

Na 'n enkele, onsuksesvolle jaar as rekenmeester, wat Harris beskryf het as "soos om vasgevang te wees in 'n Terry Gilliam rolprent", het sy opleiding ondergaan as 'n onderwyser by Sheffield Universiteit. Sy het vir vyftien jaar onderrig in moderne tale gegee, meestal by Leeds Grammar Skool, 'n onafhanklike seunskool in Yorkshire. Sy het ook onderrig gegee by Sheffield Universiteit, en het lesings gegee betreffende aspekte van Franse literatuur en rolprent. Gedurende hierdie tydperk het sy op 'n aantal boekprojekte gewerk.

The Evil Seed, Sleep, Pale Sister en Chocolat was gepubliseer voordat sy uitgetree het uit die onderwys om voltyds te skryf.

Boeke

Haar eerste roman, The Evil Seed, was met beperkte sukses in 1989 gepubliseer. 'n Tweede roman, Sleep, Pale Sister, gee 'n aanduiding van die wyse waarop haar styl ontwikkel het van riller-pastiche na die genre van literêre spookstories. In 1999 het haar derde roman, Chocolat, welke 'n donker, magiese moderne volksverhaal is, en wat tematies gebaseer is op kos en waarvan die verhaal in die Gers streek van Frankryk afspeel, No. 1 bereik in die Sunday Times se topverkoper lys. Die werk het in 1999 die Kreatiewe Vryheidstoekenning gewen en was op die kortlys geplaas vir die 1999 Whitbread Roman van die Jaar Prys. Die rolprentregte was verkoop aan David Brown en ontwikkel deur Miramax Pictures. Die sukses van die rolprent, waarin Juliette Binoche en Johnny Depp gespeel het, het aan Harris wêreldwye erkenning verleen en in 2012 het sy een van slegs vier vroulike lede van die "Millionaires Club" geword, die elite groep outeurs wat 'n miljoen verkope van 'n enkele boek in die VK behaal het sedert rekordhouding begin het.

Sedert Chocolat was al Harris se boeke topverkopers in die VK. Haar wye seleksie van onderwerpe beteken dat haar werk dikwels nie in 'n kategorie geplaas kan word nie en sy het 'n gewoonte om ingewikkelde of uitdagende kwessies as onderwerp te neem. Sy het drie verdere romans in die Chocolat reeks geskryf naamlik, The Lollipop Shoes (hernoem na The Girl With No Shadow in die VSA), Peaches for Monsieur le Curé (Peaches for Father Francis in die VSA), en The Strawberry Thief - gepubliseer op 4 April 2019, sowel as twee Franse kookboeke (geskryf saam met Fran Warde), twee versamelings kortverhale en 'n aantal donker sielkundige rillers, insluitende Gentlemen and Players en Blueeyedboy.

In Augustus 2007 het sy die werk Runemarks gepubliseer, 'n mythpunk/fantasieroman gebaseer op Noorse mitologie, wat beide volwasenes en kinders as teikengroep gehad het. Die opvolgboek, Runelight, was in 2011 gepubliseer, en sedertien het die Rune boeke 'n entoesiastiese gevolg verkry langsaan die ondersteuners van Vianne Rocher en die Chocolate reeks. Harris het voortgewerk op die Noorse mitologie tema in The Gospel of Loki wat in Februarie 2014 gepubliseer was. Laasgenoemde vertel van die opkoms en val van die gode van Asgard vanuit die oogpunt van Loki die kansvatter.

In 2011 het sy 'n kortverhaal bygedra naamlik, Never Cut A Hawthorn, tot die bundel Why Willows Weep – synde 'n bundel wat die Woodland Trust ondersteun.

Bibliografie

• The Evil Seed (1989)
• Sleep, Pale Sister (1993)
• Chocolat (1999)
• Blackberry Wine (2000)
• Five Quarters of the Orange (2001)
• The French Kitchen, A Cook Book (2002)
• Coastliners (2002)
• Holy Fools (2003)
• Jigs & Reels (2004)
• Gentlemen & Players (2005)
• The French Market (2005)
• The Lollipop Shoes (2007) (VSA titel: The Girl With No Shadow, April 2008)
• Runemarks (2007 in die VK, 2008 in die VSA)
• Blueeyedboy (1 April 2010 in die VK)
• Runelight (September 2011 in die VK)
• Peaches for Monsieur le Curé (Mei 2012) (VSA titel: Peaches for Father Francis, Oktober 2012)
• A Cat, a Hat and a Piece of String (Oktober 2012)
• The Gospel of Loki (February 2014), as Joanne M. Harris
• The Little Book of Chocolat (Maart 2014), met Fran Warde
• The Loneliness of the Long-Distance Time Traveller (Oktober 2014) Dr Who novelle.
• Different Class (2016)
• A Pocketful of Crows (2017) 'n folkloristies-geïnspireerde novelle
• The Testament of Loki (2018)
• The Strawberry Thief (2019)

Verhale het in die volgende bundels voorgekom:

• Magic (2002) - 'n Versameling verhale ten bate van Piggybank Kids.
• Bosom Buddies (2003) - 'n Versameling verhale ten bate van Breast Cancer UK.
• Journey to the Sea (2005) - 'n Versameling verhale ten bate van Piggybank Kids.
• Mums – a Celebration of Motherhood (2006) - 'n Versameling verhale ten bate van Piggybank Kids.
• Dads – a Celebration of Fatherhood (2007)- 'n Versameling verhale ten bate van Piggybank Kids.
• In Bed With... (2009) - 'n Versameling erotiese verhale deur bekende vroulike skrywers.
• Because I am a Girl (2010) - Liefdadigheidsbundel ten bate van Plan UK.
• Stories (2010) - 'n Versameling fantasieverhale, geredigeer deur Neil Gaiman en Al Sarrantonio.
• Writing on the Edge (2010) ' 'n Versameling ooggetuie relase deur bekende outeurs van ekstreme toestande en oorloggeteisterde liggings ten bate van MSF.
• Why Willows Weep (2011) Liefdadigheidsbundel ten bate van die Woodland Trust.
• Beacons (2013) Liefdadigheidsbundel ten bate van Stop Climate Chaos Coalition.
• Fearie Tales (2014)
• That Glimpse of Truth – the 100 Finest Short Stories Ever Written (2014) geredigeer deur David Miller.
• Time Trips (2015) - 'n Versameling DR WHO stories deur verskeie outeure, insluitende die Joanne Harris novelle, The Loneliness of the Long-Distance Time Traveller.

Eksterne skakels

• The Joanne Harris Website
• RED interview
• Norse Mythology Blog interview with Joanne Harris: Part 1, 2, 3, 4, 5
• Authors at Transworld Geargiveer 31 Oktober 2012 op Wayback Machine
• Authortrek interview with Kevin Patrick Mahoney
• Guardian feature, July 2001