Johan Botha (akteur)
Johan Botha is 'n Suid-Afrikaanse akteur. Botha se vertolking van die pa in David Eldridge se Festén (vertaal deur Hennie van Greunen; onder regie van Heinrich Reisenhofer) word allerweë as sy meesterwerk beskou. Hy is met die aktrise Lida Botha getroud. Die egpaar verskyn in talle TV- en rolprentproduksies en was by al die Afrikaanse kunstefeeste vir hul Oupa en Ouma-stories bekend.[1]
| Johan Botha | |
| Nasionaliteit | Suid-Afrikaner |
|---|---|
| Beroep(e) | Akteur |
| Aktiewe jare | 1960's – hede |
| Internet-rolprentdatabasis-profiel | |
Lewensloop wysig
Johan Botha begin sy skoolloopbaan by Laerskool De Kroon buite Brits, het later verder skoolgegaan op Lydenburg en sluit daarna as 'n akteur by die eertydse Truk aan. Hy was ook by die Goudstadse Onderwyskollege en Springbokradio betrokke. Deur die jare het hy in talle toneelstukke gespeel en deur die hele land getoer.
In die vroeë 1970's word hy die eerste hoof van toneel by Swaruk in Suidwes-Afrika (hedendaagse Namibië). Kort na sy terugkeer na Suid-Afrika begin hy vryskutwerk in Johannesburg, en veral by die SAUK, te doen. Hier volg TV-produksies soos Nommer Asseblief, Suidpunt Hotel, Ou Grote, Moord op die lug, Sand, Hagenheim streng Privaat en talle ander. Hy doen ook stemwerk en regie vir oorklanking en is gereeld in radioverhale te hoor. Hy het ook in stukke soos Faan se Trein en Festén gespeel.[2]
In 2009 het hy en Lida Botha in die TV-reeks Oupa en Ouma sit op die stoep gespeel wat deur Leon Kruger vir hulle geskryf en geregisseer is, gevolg deur die 2012-opvolg, Oupa en Ouma sit op die stoep en raak romanties, ook deur Kruger. In 2012 het hulle JohanLida Produksies gestig om met die stuk te toer onder regie van Johan.[3]
Verhoogrolle wysig
Dit sluit in:
- Faan se Trein
- Festén
- Oupa en Ouma sit op die stoep, 2012 as Stanley Vermeulen
- Oupa en Ouma sit op die stoep en raak romanties as Stanley Vermeulen
Filmografie wysig
TV-programme:
- Nommer Asseblief
- Arende
- Vyfster
- Suidpunt Hotel
- Ou Grote
- Moord op die lug
- Sand
- Hagenheim streng privaat
- De la Rey, 1980 (TV-fliek)
- Gideon Scheepers, 1982 as getuie (TV-fiek)
- Halfmanspunt, 1986 as Inspekteur Jones (TV-fliek)
- Meester, 1992 as Antoon Albertyn
- Oupa en Ouma sit op die stoep, 2012 as Stanley Vermeulen
- Oupa en Ouma sit op die stoep en raak romanties as Stanley Vermeulen
- Die Byl
- 7de Laan
- Meeulanders
- Buurtwag
Rolprente:
- Pad na jou hart, 2014 as Oupa Jan
- Anderkant die stilte, 2012 as Piet
- Die storie van Klara Viljee, 1992 as Neels
- Circles in a Forest, 1989 as Mostert
- Verkeerde nommer, 1982 as Frans Joubert (nie gekrediteer)
- Nommer asseblief?, 1981 as Frans Joubert (rolprent)
- Charlie word 'n ster, 1979 as die verslaggewer
- Die Spaanse vlieg, 1978 as die man met die verkyker
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Litnet, besoek op 18 Maart 2015
- ↑ TVSA.co.za, besoek op 18 Maart 2017