Johan Daisne

Johan Daisne was die skuilnaam van die Vlaamse skrywer Herman Thiery (2 September 1912 – 9 Augustus 1978). Hy is in Gent, België gebore en gaan skool by die Koninklijk Atheneum. Hierna studeer hy aan die Universiteit van Gent ekonomie en Slawiese tale en behaal in 1936 sy doktorsgraad. In 1945 word hy aangestel as hoofbibliotekaris van die stad Gent.

Biografie

Thiery begin in 1935 onder die skuilnaam Johan Daisne skryf. Hy publiseer 'n digbundel getiteld Verzen. Dit word gevolg deur ander poëtiese werke, waaronder Het einde van 'n zomer (1940), Ikonakind (1946), Het kruid-aan-de-balk (1953) en De nacht komt gauw genoeg (1961). Saam met Hubert Lampo was hy met sy romans een van die pioniers van magiese realisme in die Nederlandse skryfkuns, waarvan die bekendste De trap van steen en wolken (1942), De man die zijn haar kort liet knippen (1947) (1965), en De trein der traagheid (1953) is.

Hy skryf ook draaiboeke, hoorspele en nie-fiksie. Sy viertalige Filmografisch leksikon der wereldliteratuur (3 volumes, 1971, 1973 en 1978) het ontwikkel uit sy verbintenis met die Knokke-filmfees.

Sien ook

Vlaamse literatuur

Eksterne skakels

Studiecentrum Johan Daisne (in Nederlands)