Johann Nepomuk von Fuchs
Johann Nepomuk von Fuchs (15 Mei 1774 – 5 Maart 1856)[1] was 'n Duitse chemikus en mineraloog, en koninklik Beierse geheimraadslid.
| Johann Nepomuk von Fuchs | |
| |
Johann Nepomuk von Fuchs in 1844
| |
| Gebore | 15 Mei 1774 Mattenzell in Zell by Falkenstein, Beiere, Heilige Romeinse Ryk |
|---|---|
| Oorlede | 5 Maart 1856 (op 81) München, Beiere |
| Nasionaliteit | Duits |
| Vakgebied | Chemikus, mineraloog en professor |
| Instelling(s) | Universiteit van München |
| Toekennings | Beierse Orde van Maximilian vir Wetenskap en die Kunste |
Biografie
wysigHy is in Mattenzell, naby Falkenstein in die Beierse Woud gebore. In 1807 het hy professor van chemie en mineralogie by die Ludwig Maximilian Universiteit geword, wat toe nog in Landshut geleë was, en in 1823 het hy die pos van bewaarder van die mineralogiese versamelings te München gekry, waar hy drie jaar later as professor aangestel is, toe die universiteit daarheen verskuif is. Hy het in 1852 afgetree, en die koning van Beiere het vir hom in 1854 'n adeltitel verleen. Hy is op 5 Maart 1856 in München oorlede.
Hy is hoofsaaklik bekend vir sy mineralogiese waarnemings en vir sy werk op waterglas (natriumsilikaat). Hy het dit gebruik om stereochromie te ontwikkel: 'n vorm van freskoskildery waar die pigmente met waterglas vasgelê word. Histories is natrium silikaat soms "Fuchs se oplosbare glas" genoem.[2] Hy het 'n wetenskaplike metode ontwikkel vir die vervaardiging van sement en bydraes gemaak tot die wetenskap van die amorfe staat van vastestowwe.[3][4]
Hy het die minerale name wagneriet (1821) en margariet (1823) geskep,[5][6] en was saam met Adolph Ferdinand Gehlen mede-beskrywer van die mineraal mesoliet (1816).[7] 'n Variant van moskoviet word ter nagedagtenis van sy werk fuchsiet genoem.
Gepubliseerde werke
wysig- Ueber die Entstehung der Porzellan-Erde, 1821 – Aangaande die oorsprong van porselein aarde.
- Neue Methode das Bier auf seine wesentlichen Bestandtheile zu untersuchen, 1836 – Nuwe metode om bier op grond van sy wesentlike bestanddele te ondersoek.
- Naturgeschichte des Mineralreichs, 1842 – Natuurgeskiedenis van die minerale wêreld.
- Über die Theorien der Erde, den Amorphismus fester Körper und den gegenseitigen Einfluß der Chemie und Mineralogie, 1844 – Aangaande die teorieë van die Aarde, die amorfisme van soliede liggame en die wedersydse invloed van die chemie en mineralogie.
- La stéréochromie: peinture monumentale, 1861 (Franse vertaling deur Leon Dalemagne).[8]
Verwysings
wysig- ↑ http://www.newadvent.org/cathen/06311c.htm.
- ↑ Chambers's Encyclopædia: A Dictionary of Universal Knowledge for the People (in Engels). J.B. Lippincott & Company. 1870.
- ↑ Fuchs, Johann Nepomuk von Deutsche Biographie
- ↑ Johann Nepomuk von Fuchs Oorspronklike Katolieke Ensiklopedie
- ↑ Wagnerite Mindat.org
- ↑ Margarite Mindat.org
- ↑ Mesolite Fuchs & Gehlen, 1816 YPM MIN 023002
- ↑ Google Soek gepubliseerde werke