Maak hoofkeuseskerm oop
Johanna Postma.
Johanna Postma.
Johanna van Biljon se ouers, Willem en Breggie.
'n Gesinsfoto van prof. Dirk Postma en sy vyfde en laaste vrou, Johanna (gebore Van Biljon). Ds. Willem Postma staan agter in die middel. Sy suster Lettie (links) was getroud met prof. J.A. du Plessis en die moeder van proff. Wicus du Plessis, Hugo du Plessis en mev. Ida Bosman. Marie sit in die middel. Breggie (naas regs) was getroud met ds. J.A. van Rooy, en Laurika (regs) was prof. J.A. du Plessis se eerste vrou.

Johanna Wilhelmina Postma (gebore Van Biljon, 27 Mei 1854Kaapstad, 12 Julie 1901) was die laaste van ds. Dirk Postma se vyf vroue en die moeder van die laaste ses van sy 20 kinders. Van hul ses kinders het vyf volwassenheid bereik: Al vier die dogters het met 'n predikant getrou en die seun het self predikant geword, nes sy vader en vier van sy halfbroers.

Johanna Wilhelmina van Biljon se ouers was Willem Johannes van Biljon (gebore 1825, Cradock) en Gerbrechta Sophia Smit. Sy is op 20 Desember 1869 met ds. Postma getroud. Hy was 51 en sy 15. Dit was twee maande en 17 dae ná die afsterwe van sy vierde vrou, Susanna Lasea Kruger. Hul eerste kind, Brechtje, is op 26 Maart 1871 gebore. Sy het die eggenote van ds. J.A. (Koos) van Rooy geword. Helenius het net twee jaar en twee weke oud geword. Die derde kind en enigste seun uit dié huwelik wat volwassenheid bereik het, Willem, was ook ’n Gereformeerde predikant soos sy vader en halfbroers Petrus, Martinus, Dirk en Stephanus. Ná Willem, wat bekend geword het as die skrywer Dr. O'Kulis, volg Laurika in 1875, prof. J.A. du Plessis se eerste vrou, en daarna Aletta in 1876, prof. Du Plessis se tweede vrou. Laastens kom Maria aan die beurt, vier jaar en sewe maande ná Aletta. Sy was getroud met Totius. 'n Kleinkind van Johanna Postma, Laurika (’n dogter van ds. Willem Postma), het roem verwerf as beeldhouer, terwyl haar suster Aletta die lewe geskenk het aan Wicus, later ’n professor aan die PUK.

Nadat Johanna Postma op 36-jarige ouderdom weduwee geword het, moes sy in die onderhoud van haar vyf kinders voorsien deur studente van die Teologiese Skool Burgersdorp as loseerders in te neem. Tydens die Tweede Vryheidsoorlog was sy in Pretoria dikwels by pres. Paul Kruger aan huis. Sy is in 1901 in Kaapstad oorlede ná ’n smartlike lyding (moontlik weens kanker).

BronneWysig