Maak hoofkeuseskerm oop

Prof. dr. Hugo du Plessis (Burgersdorp, Kaapkolonie, 22 Maart 190228 Desember 1971) was van 1928 tot 1956 agtereenvolgens sendingleraar in drie gemeentes van die Gereformeerde Kerk en van 1956 eers dosent en eindelik van 1959 tot sy dood hoogleraar in die teologie.

Prof. Hugo du Plessis
Prof. Hugo du Plessis
Prof. Hugo du Plessis

Naam Hugo du Plessis
Geboorte 22 Maart 1902
Burgersdorp, Kaapkolonie
Sterfte 28 Desember 1971 (op 69)
Kerkverband Gereformeerd
Gemeente(s) Johannesburg-Noord 1950–1955
Jare aktief 1928–1950 sendeling
1950–1955 predikant
1956–1959 professor, Hammanskraal
1959–1971 professor Potchefstroom
Kweekskool Potchefstroom
Sendingwerk Siloam 1928–1950

Inhoud

HerkomsWysig

 
Prof. Du Plessis en sy vrou, Maria (née de Klerk).
 
Op dié gesinsfoto van prof. Dirk Postma, die vader van die Gereformeerde Kerk, en sy vyfde en laaste vrou, Johanna (née Van Biljon), staan prof. Du Plessis se moeder, Laurika, regs. Sy stiefmoeder, Lettie, staan links. Ds. Willem Postma, wat bekend geword het as die skrywer Dr. O'kulis, staan in die middel. Die dogter tussen haar ouers is Maria, wat met Totius sou trou.
 
Prof. J.A. du Plessis, prof. Hugo du Plessis se vader.
 
Vier van prof. Jacobus du Plessis se kinders, omstreeks 1905: Willemina, Hugo, Louise en L.J. (Wickus).
 
Studente Teologiese Vereniging, Teologiese Skool Potchefstroom, 1926. Eerste ry: H.J. Vermeulen, F. Coetzee, P.W. van der Walt, Kuifie van der Walt, S.P. van der Walt, J.H. van Zyl. Tweede ry: J.P. van der Walt, B.J. de Klerk, H.C.J. Flemming, W.J. Postma, L.S. van der Walt, I.J. van der Walt, P.G.W. Snyman. Derde ry: J.J.H. Booysen, W.J. van der Merwe, J.L. van der Merwe, C.E.G. Malan, M. Postma, P.J. de Klerk, S.J. van der Walt, H.F.V. Kruger, J.L. de Bruin, A.L. Aucamp. Vyfde ry: Hugo du Plessis, P.J. Liebenberg, Fanus du Toit, B.B.B. Olivier, J.F. du Plooy, J.M. de Wet, J.B. du Plessis, S.C. Venter, A. Postma.

Du Plessis was die tweede seun van prof. Jacobus Albertus du Plessis en Laurika Postma, die vyfde kind uit ds. Dirk Postma se vyfde en laaste huwelik (met Johanna Wilhelmina van Biljon (24 Mei 1854 – 12 Julie 1901). Prof. J.A. du Plessis is in 1896 met Laurika Postma getroud. Uit hierdie huwelik is ook sy sibbes Mien, Louise, Wicus en Koos gebore. Ná Laurika se dood is prof. Du Plessis in 1905 met haar suster Aletta Postma getroud. Uit dié huwelik is nog ses kinders gebore: Dirk, Martin, Ida, Rika, Julia en Willem (oorlede op nege maande). Hugo du Plessis se oudste broer was Lodewicus Johannes, akademikus, regsgeleerde, ekonoom en politieke denker. Hugo du Plessis se tante Maria was getroud met die digter, Bybelvertaler, psalmberymer en hoogleraar Totius. Sy oom ds. Willem Postma was predikant en, onder die skuilnaam Dr. O'Kulis, 'n Afrikaanse baanbrekerskrywer.

Opleiding en loopbaanWysig

 
Kuratore en professore van die Teologiese Skool Potchefstroom, 1968. Voorste ry. Ds. I.J. Lessing, prof. S.P. van der Walt, ds. A.A. Venter, prof. G.C.P. van der Vyver, ds. J. Postma. Tweede ry: Prof. J.P. Jooste, ds. T. Steyn, dr. B. Spoelstra, ds. M. Postma, proff. Hugo du Plessis, S.J. van der Walt, prof. W.J. Snyman. Derde ry: di. L.J. Buys, B.J. Lombard, J.F. du Plooy, dr. K.S. van Wyk de Vries, prof. S. du Toit.

Aan die PUK behaal Hugo du Plessis in 1923 die B.A.- en in 1942 die M.A.-graad in sosiale antropologie. Nadat hy in 1927 aan die Teologiese Skool in die kandidaatseksamen geslaag het, dien hy as sendingleraar van die volgende kerke: Pretoria (1928–1932), Pretoria-Oos (1932–1950) en Johannesburg-Noord (1950–1956). (Blykbaar was hy van 1928 tot 1956 sendeling te Siloam, maar net telkens as beroepene van 'n ander gemeente.)

Van 1956 tot 1959 dien hy as dosent aan die Teologiese Skool Dube (Hammanskraalse Teologiese Skool). Vanaf 1959 was hy professor aan die Teologiese Skool van die GKSA op Potchefstroom in sendingwetenskap. In dié hoedanigheid het hy gedien tot sy dood einde 1971.

HuweliksleweWysig

Prof. Du Plessis was getroud met Maria Cornelia de Klerk. Uit die huwelik is ses kinders gebore, onder wie Cecilia van der Walt, eggenote van dr. I.J. van der Walt ( Johannesburg-Suid 1951–1958, Vanderbijlpark 1958–1967, sendeling van die vier Potchefstroomse kerke 1967–1977, professor Teologiese Skool Potchefstroom 1978–1986; oorlede 28 Junie 1997).

WaarderingWysig

Prof. Du Plessis het internasionale erkenning geniet as kenner van die sendingwetenskap. In Augustus 1968 was hy een van die referente op 'n internasionale sendingkonferensie in Nederland. In 1963 het hy die Gereformeerde Kerk verteenwoordig op die Ekumeniese Sinode te Grand Rapids, VSA. Op sendinggebied het hy grondleggende en rigtinggewende dienste aan die Gereformeerde Kerk in Suid-Afrika gelewer. Hy dien in die redaksie van die Calvinistiese blad Woord en Daad, asook as redakteur van die sendingblad Die Oes.

SkryfwerkWysig

Uit prof. Du Plessis se pen het onder meer verskyn Die Missiologie as 'n Teologiese Wetenskap; Die geskiedenis van die sendingwetenskap; Het die Christendom gefaal?; 'n Nuwe deurbraak; Die Pro-testantisme in Afrika, 'n blik op Afrika. Hierbenewens het van hom etlike artikels, asook redes by spesiale geleenthede gelewer, in druk verskyn.

BronneWysig

  • (af) Van der Vyver, dr. G.C.P. 1969. My erfenis is vir my mooi. Potchefstroom: Kalvyn Jubileum Boekfonds.
  • (af) Vogel, Willem (voorsitter van redaksiekommissie). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.