John Lewis & Partners
John Lewis & Partners is 'n afdelingswinkelketting wat winkels dwarsoor Groot-Brittanje bedryf. Die onderneming, wat na sy stigter genoem is, is in besit van John Lewis Partnership - 'n maatskappy wat saam met die eerste winkel teen die middel van die 19de eeu gestig is.
| John Lewis & Partners | |
 .jpg) | |
| Tipe | Dogtermaatskappy |
|---|---|
| Gestig | 1864 in Londen, Engeland |
| Hoofkantoor | Londen, Engeland, .svg){kind=small} Verenigde Koninkryk
|
| Sleutelpersone | Paula Nickolds (besturende direkteur); opvolger vanaf Augustus 2020: Pippa Wicks[1] John Lewis & John Spedan Lewis |
| Gebied bedien | VK sonder Noord-Ierland |
| Industrie | Handelsbedryf |
| Produkte | Kleding, kosmetika, huishoudelike voorwerpe, verbruikerselektronika |
| Inkomste | £4,06 miljard (2013) |
| Bedryfsinkomste | £226 miljoen (2011) |
| Werknemers | 38 100 |
| Moedermaatskappy | John Lewis Partnership |
| Slagspreuk | Never Knowingly Undersold |
| Webwerf | johnlewis.com |
Die eerste John Lewis-winkel het sy deure in 1864 in Londen se tradisionele winkelstraat Oxford Street geopen. Die ketting se slagspreuk - Never Knowingly Undersold - word reeds sedert 1925 gebruik.
Tans bedryf die onderneming 45 winkels in Engeland, Skotland en Wallis, waaronder elf sogenaamde At Home-winkels (wat hulle tot bepaalde afdelings beperk) en 'n "buigbare-formaat-winkel" in Exeter. Die John Lewis-afdelingswinkel in Birmingham is die grootste wat buite Londen bedryf word. Planne om die onderneming se bedrywighede na Sprucefield in Lisburn, Noord-Ierland uit te brei is tans nog nie verwesenlik nie.