KV44
KV44 is 'n grafkelder in die Vallei van die Konings by Thebe, naby die moderne stad Luxor in Egipte. Dit is in 1901 deur Howard Carter, die hoofinspekteur van oudhede, ontdek en verken namens die miljoenêr-sakeman Theodore M. Davis en in 1991 herondersoek deur 'n span onder Donald P. Ryan.
| KV44 | ||
| Grafkelder van onbekendes | ||
| ||
| Die plan van KV44. | ||
| Ligging | Vallei van die Konings | |
| Land |  Egipte
| |
| Ontdek | 26 Januarie 1901 | |
| Uitgrawings deur | Howard Carter (1901) Donald P. Ryan (1991) | |
← Vorige KV43 Volgende →
KV45 | ||
Die enkele kamer het die oorblyfsels van die oorspronklike sewe mummies bevat. Die grafkelder dateer van die 18de Dinastie.[1]
Uitleg en inhoud
wysigKV44 is naby KV28 en langs KV45 geleë in 'n klein wadi (dal) oos van die hoofvallei.[2] Die ligging daarvan was vroeër al bekend en dit is op 26 Januarie 1901 deur Howard Carter oopgemaak ná twee dae van uitgrawings. Dit het bestaan uit 'n skag van 5,5 meter en 'n enkele kamer.
Die kamer was gedeeltelik gevul met grond wat ingespoel het. Bo-op was drie houtkiste langs mekaar teen een muur. In die eerste, swart geverfde kis met geel versierings en rooi teks was die goed toegedraaide mummie van Ioef'a.[3][4] Langsaan was nog 'n swart geverfde kis; die stukkie leesbare teks binne-in identifiseer die mummie net as 'n sangeres.[3] Porter en Moss het haar egter geïdentifiseer as Keramama.[4] Die derde kis was van rowwe hout, maar binne in was 'n pragtig versierde kis van 'n soort papier-mâché, met die mummie van Tentkeresjerit.[3][4]
Hulle was egter nie die oorspronklike eienaars nie, want in die puin onder hulle was "die oorblyfsels van vroeëre mummies sonder kiste of begrafnismeubels". Dit lyk of die grafkelder vir 'n ruk oopgestaan het, want teen die plafon was verskeie byneste.[3]
Herondersoek
wysigIn 1991 is die grafkelder herondersoek deur 'n span onder Donald P. Ryan. Die oorblyfsels van sewe individue is gekry, onder wie twee jong vroue en drie kinders.[5][6]
Die projek is in 2005 hervat en daar is bevind dat water die grafkelder binnegedring het, waarskynlik van die vloede van 1994. Alle artefakte is na KV21 verskuif om verdere skade te voorkom.[5]
Verwysings
wysig- ↑ Reeves & Wilkinson 1996, pp. 184.
- ↑ Carter 1903.
- ↑ 3,0 3,1 3,2 3,3 Carter 1901.
- ↑ 4,0 4,1 4,2 Porter & Moss 1964, pp. 587.
- ↑ 5,0 5,1 Ryan 2007.
- ↑ Ryan 1995.
Bronne
wysig- Brock, Lyla Pinch (1999). "Jewels in the Gebel: A Preliminary Report on the Tomb of Anen". Journal of the American Research Center in Egypt. 36: 71–85. doi:10.2307/40000203. ISSN 0065-9991. JSTOR 40000203. Besoek op 17 April 2021.
- Carter, Howard (1901). "Report on a Tomb-Pit Opened on the 26th January 1901, in the Valley of the Kings Between No. 4 and No. 8". Annales du Service des Antiquités de l'Égypte. Le Service. II: 144–145. Besoek op 15 April 2021.
- Carter, Howard (1903). "Report on General Work Done in the Southern Inspectorate". Annales du Service des Antiquités de l'Égypte. Le Service. IV: 43–50. Besoek op 15 April 2021.
- Porter, Bertha; Moss, Rosalind (1964). Topographical Bibliography of Ancient Egyptian Hieroglyphic Texts, Statues, Reliefs and Paintings Volume I: The Theban Necropolis, Part 2. Royal Tombs and Smaller Cemeteries. Griffith Institute. Besoek op 16 April 2021.
- Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010 paperback uitg.). London: Thames and Hudson. ISBN 978-0-500-28403-2.
- Ryan, Donald P. (1995). "Further Observations Concerning the Valley of the Kings". In Wilkinson, Richard H. (red.). Valley of the Sun Kings: New Explorations in the Tombs of the Pharaohs (PDF). Tucson: The University of Arizona Egyptian Expedition. pp. 157–161. Besoek op 17 April 2021.
- Ryan, Donald P. (2007). "Pacific Lutheran University Valley of the Kings Project: Work Conducted during the 2005 Field Season". Annales du Service des Antiquités de l'Égypte. 81: 345–356.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
