Kaapse Dokter

suidoostewind in die Boland

Die Kaapse Dokter is 'n droë suidoostewind wat somers oor die Kaapse skiereiland waai vanaf lente tot laat somer (September tot Maart In die suidelike halfrond). Sonder hierdie wind sal die lugbesoedeling in Kaapstad en omgewing baie erg wees. Op warm vogtige somerdae bring dit lafenis en veroorsaak die "tafeldoek" oor Tafelberg. Die wind hou vir ure, maar soms selfs vir dae aan. Snags neem dit egter af. Tydens die lente en herfs kom die swart suidoos soms voor en gaan gepaard met 'n besonder swaar neerslag.

"Tafeldoek" oor Tafelberg

In die beginjare van die Kaapse nedersetting het die suidoostewind dikwels groot skade aan die koringoes berokken.

AgtergrondWysig

Al waai die wind oor 'n wye area van die Wes-Kaap, is dit veral erg in en om die Kaapse Skiereiland, waar dit sterk kan wees. Mense in Kaapstad noem dit "die Suid-Ooster".

BibliografieWysig

  • Mabbutt, J.A. (red.): The Cape peninsula. Kaapstad: Maskew Miller, 1952.