Kaapse Skiereiland

Die Kaapse Skiereiland is 'n meestal rotsagtige skiereiland wat 75 kilometer in die Atlantiese Oseaan in steek op die suidwestelike hoek van Afrika. By die suidelike punt van die skiereiland is Kaappunt en Kaap die Goeie Hoop. Aan die noorde punte troon die beroemde Tafelberg uit bo Kaapstad, Suid-Afrika.

Landsatbeeld wat die Kaapse Skiereiland in die voorgrond vertoon. [1]

Die skiereiland was vroeër 'n eiland, maar ongeveer sestig miljoen jaar gelede is dit met die vasteland verbind deur die verrysing van die sanderige gebied wat nou as die Kaapse Vlakte bekend staan. Die dorpe op die Kaapse Skiereiland vorm nou deel van Groter Kaapstad.

Kaap die Goeie Hoop word soms aangegee as die ontmoetingspunt van die Atlantiese Oseaan en die Indiese Oseaan. Die Internasionale Hidrografiese Organisasie definieer die oseaangrens egter sodat die ontmoetingspunt by Kaap Agulhas is, omtrent 200 km suidoos van Kaapstad.

Die Kaapse Skiereiland is ryk aan natuurskoon en byna die hele skiereiland vorm deel van die Tafelberg Nasionale Park, 'n natuurreservaat wat in 1998 gestig is.

Bibliografie

• de Klerk, W.A.: Die Kaapse Skiereiland. In: Ons Land. 'n Reeks van 65 praatjies uitgesaai in die Afrikaanse diens van die Suid-Afrikaanse Uitsaaikorporasie van 1 September tot 16 November 1967
• Hey, Douglas: Alles wat Lewe. 'n Tweede keur uit Die Burger-rubriek "Bewonder en bewaar". Kaapstad: Tafelberg, 1977. ISBN 0-624-00993-9

Eksterne skakels

• Wikimedia Commons het meer media in die kategorie Kaapse Skiereiland.