Kaapse Patriotte
Die Kaapse Patriotte was 'n beweging in die Kaapkolonie in die laat 18de eeu wat beïnvloed is deur die Amerikaanse opstand teen Engeland sowel as die Franse Rewolusie. Die beweging het in 1779 begin toe 'n deputasie na Holland gestuur is om by die Nederlandse Oos-Indiese Kompanjie vir groter politieke vryheid te pleit. Die deputasie het gefaal en die beweging het stadig doodgeloop, maar het later aansienlike onregstreekse gevolge gehad toe die Hollandse adminstrasie teen die einde van die eeu in duie stort. Jacobus van Reenen het die deputasie vergesel.
