Kaapse kastaiing

Hierdie artikel is oor die seediertjie, vir die boom, sien Wildekastaiing.

Die Kaapse kastaiing (Parechinus angulosus) is 'n seekastaiing, is endemies aan Suid-Afrika en kom aan die Weskus en suidkus voor. In Engels staan die kastaiing bekend as die Cape urchin.

Kaapse kastaiing
Wetenskaplike klassifikasie
Koninkryk:	Animalia
Filum:	Echinodermata
Klas:	Echinoidea
Superorde:	Echinacea
Orde:	Camarodonta
Familie:	Parechinidae
Genus:	Parechinus
Spesie:	P. angulosus (Leske, 1778)
Binomiale naam
Parechinus angulosus

Identifikasie

Die diertjie word tot 6cm lank. Die diertjie leef in 'n skulp en het dun, pers, rooi of groen stekels wat deur gaatjies uit die skulp steek. Die ongewerwelde diertjie leef in die tussengetypoele en rotspoele. Hulle vreet seewier (kelp) en alge. Die diertjie gebruik leë skulpe as hoede vir beskerming teen die son. Nadat die diertjie doodgaan is die skulp rond, hol, groenerig en knopperig. Die kastaiing se stekels verskaf beskerming vir jong perlemoen (Haliotis midae).

Bronne

• Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3