Kadmiumjodied
Kadmiumjodied is 'n verbinding van kadmium en jodium met formule CdI2.
|
Algemeen | |
|---|---|
| Naam | Kadmiumjodied |
 | |
| Chemiese formule | CdI2 |
| Molêre massa | 355,21 g/mole |
| CAS-nommer | 10102-68-8[1] |
| Voorkoms | vastestof |
| Fasegedrag | |
| Selkonstantes | a=429pm; c=730pm[2] |
| Ruimtegroep | P3m1 |
| Nommer | 164 |
| Strukturbericht | C6 |
| Smeltpunt | 388 °C |
| Kookpunt | 787 °C |
| Digtheid | 5,67 (rel. water) |
| Oplosbaarheid | Oplosbaar in koue water |
|
Suur-basis eienskappe | |
| pKa | |
|
Veiligheid | |
| Flitspunt | |
| LD50 | 4708 mg/kg (oraal in rotte) |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Struktuur
wysigDie 4H-kristalstruktuur van kadmiumjodied is gelaag en dit is die argetipe van die strukturbericht-klassifikasie se C6-struktuur. Daar is talle verbindings en minerale wat hierdie kadiumjodiedstruktuur het. Gewoonlik het hulle groot polariseerbare anione soos swawel, seleen, broom, jodium ensomeer. Die gelaagde C6-struktuur kan van die heksagonale digpakking afgelei word deur die oktaëderholtes in die een laag met metaalatome te vul en die volgende laag leeg te laat. Die elektriese polarisasie wat die gevolg is van die teenwoordigheid van katione aan die een kant van die anioonlaag en die ontbreek daarvan aan die ander kant, help om die struktuur te stabiliseer. Stowwe met kleiner ione soos oksiede of fluoriede vorm gewoonlik strukture waar katione aan altwee kante teenwoordig is en daardeur nie gelaagd is nie, omdat hierdie kleiner ione moeiliker is om te polariseer. (Hulle het minder elektroneskille en is 'harder'.)
Die pakmodus van kadmiumjodiedkristalle kan baie wissel. Daar was in die middel-1980's 152 politipes van CdI2 bekend. [3]
Elektriese eienskappe
wysigKadmiumjodied is 'n halfgeleier. Die elektriese eienskappe is afhanklik van die suiwerheid en die perfeksie van die kristalle. Die kristalstruktuur bevat maklik stapelfoute en dit vorm politipes.[4] Suiwering deur sonesmelting lewer die suiwer 4H-vorm. Die bandgaping neem af van 3,9 eV by 8 keer sonesmelt tot 3,3 eV by 25 keer. Die gesuiwerde eenkristalle is kleurloos.[5]
Gebruike
wysigKadmiumjodied word gebruik in litografie, fotografie, elektroplatering en die vervaardiging van fosfore.[6]
Bereiding
wysigKadmiumjodied kan berei word deur die toevoeging van die kadmiummetaal, of sy oksied, hidroksied of karbonaat by hidrojoodsuur. Die verbinding kan ook berei word deur verhitting van kadmium met jodium.
Verwysings
wysig- ↑ ScienceLab MSDS.
- ↑ "CdI2". Materials project.
- ↑ Peter A. Beckmann (2010). "A review of polytypism in lead iodide". " Crystal Research and Technology. 45.5: 455–460.
{{cite journal}}: AS1-onderhoud: gebruik authors-parameter (link) - ↑ R. Prasad Review Article Present state of polytypism in cadmium iodide crystals Phys. stat. sol (a) 38(11) 1976
- ↑ Effect of purity of cadmium iodide crystals on physical properties, Sanjeev Kumar en Shalini SharmaInternational Journal of Advancements in Research & Technology, 2(9), September 2013
- ↑ Pradyot Patnaik. Handbook of Inorganic Chemicals. McGraw-Hill, 2002, ISBN 0-07-049439-8