Kalahari-pannestreek

Die Kalahari-pannestreek (ook bekend as die Kalahari-pannewêreld of die Kalahari-soutpanne) is die grootste netwerk soutpanne in die wêreld.

Eens deel van die antieke en reusagtige Makgadikgadi-meer, wat in die afgelope 10 000 jaar opgedroog het, vorm die Makgadikgadi-soutpanne, die Nxai-soutpanne in die noorde daarvan, en die Sua-panne en die Ntwetwe-panne in die ooste daarvan, die Kalahari-pannestreek.

Kenmerke van die pannestreek is die groot aantal panne, vloere, kolke, putte (puts) en komme wat daar voorkom.

Hierdie streek lê ongeveer suid van 26° 30′ suid en oos van 19° 30′ oos en oorvleuel met Gordonia en die Duineveld.

In die holtes of depressies kom in die skaars reëntye gewoonlik water voor, maar is andersins langdurig droog. Dikwels skitter en skyn die blink salpeterpanne se soutkors nadat die water in die grond weggesak of verdamp het.

Bekende plekke in hierdie gebied is Hakskeenpan, Klipkolk, Uitsakpan, Noenieput, Van Rooi’s Vlei, Vrouenspan, Rykheerputs, Aseriesputs, Sonderpan, Rooiputs, Geelbospan, Rooivloer, Lutzputs, Putsonderwater, Bok se Puts, Doringknie se Vloer, Putsies, Geelvloer, Morrels Puts, Karvloer, Patryspan, Koranderkolk, Jagkolkvloer, Eierdopput, Bastersput, Droogenhoutputs, Karreeboschkolk, Diemansput, Granaatboskolk, Verneukpan, Vermeulensput, Stinkputs, Damskolk, Blaauboskom, Grootvloer, Verdorskolk, Konnes se Pan, Dwaggasoutpan, Rietfontein se Pan, Kommissaris-soutpan, Brospan, De Vloere, Job se puts, Brakputs, Riet se Vloer, Swartkolkvloer, Blomberg se Vloer, Kootjieskolk, Snykolk, Bitterpan, Soutpan, Eensaamheidspan, Kooppan, Skrypan, Grootkolk, Dikbaardskolk, Eenbeker en Tweebeker.

Lees ook

• Lys van streeksname in Suid-Afrika

Bronnelys

• Raper, P.E.: Streekname in Suid-Afrika en Suidwes (Naamkundereeks, nr. 1). Kaapstad: Tafelberg vir die Suid-Afrikaanse Naamkundesentrum van die Raad vir Geesteswetenskaplike Navorsing, Instituut vir Taal, Lettere en Kuns, 1972. ISBN 0-624-00182-2