Kaliumjodied

Kaliumjodied is 'n sout van die alkalimetaal kalium en waterstofjodied met die formule KI. Dit is 'n stof met 'n baie hoë oplosbaarheid in water. 'n Liter versadigde oplossing bevat ongeveer 1430 gram KI, meer as die gewig van 'n liter water.

**Eienskappe**
Algemeen
Naam	Kaliumjodied
Sistematiese naam	Kaliumjodied
Struktuurformule van
Chemiese formule	KI
Molêre massa	166,00 [g/mol]^[1]
CAS-nommer	7681-11-0^[1]
Voorkoms	Wit vastestof
Fasegedrag
Selkonstantes	a=708 pm^[2]
Ruimtegroep	Fm3m; F4/m 3 2/m
Nommer	225
Schönfliess-simbool	O⁵_h
Strukturbericht	B1
Smeltpunt	681 °C^[1]
Kookpunt	°C^[1]
Digtheid	3,13 [g/cm³] @ 25 °C^[1]
Oplosbaarheid	oplosbaar in water^[1] 1430 [g/L] water @300K^[1]
Brekingsindeks	1,6608 @ 632,8 nm^[3]
Suur-basis eienskappe
pKa
Veiligheid
Flitspunt	onbrandbaar
LD₅₀	>2.000 [mg/kg]^[1]
Tensy anders vermeld is alle data vir standaardtemperatuur en -druk toestande.

Portaal Chemie

Chemiese eienskappe

Die stof is kleurloos of wit en suurstofvrye oplossings is ook kleurloos. Maar die jodiedioon kan deur oksidasie deur die lug se suurstof maklik vrye jodium vorm en dit gee die oplossing 'n geel kleur. Jodium self is nie in water oplosbaar nie, maar saam met jodied word die oplosbare trijodiedioon I−3 gevorm wat geel of bruin is by hoër konsentrasies.

4H^{+}(aq)+O_{2}(aq)+6I^{-}(aq)\rightarrow 2H_{2}O+2I_{3}^{-}(aq)

Jodometrie

Die oplossing voor en na die ekwivalensiepunt

Hierdie oksidasie deur atmosferiese suurstof word deur lig gekataliseer. 'n Belangrike ontledingsmetode wat in bv. die voedselindustrie aangewend word, die jodometrie, word daarom in die donker uitgevoer. Hierdie tegniek is 'n voorbeeld van titrasie. 'n Oplossing van kaliumjodied word gemeng met 'n analietoplossing wat 'n oksideermiddel bevat wat se konsentrasie bepaal moet word. Dit sal trijodied vorm en die oplossing geelbruin kleur. 'n Oplossing van natriumtiosulfaat met 'n bekende konsentrasie word stadig drupsgewys bygevoeg. Tiosulfaat reageer vinnig met die trijodied wat die analiet vorm volgens:

2S_{2}O_{3}^{2-}+I_{3}^{-}\rightarrow 3I^{-}+S_{4}O_{6}^{2-}

Die iodied- en tetrationaatione (I⁻ en S₄O2−6) is kleurloos. Wanneer genoeg tiosulfaat bygevoeg is, word die ekwivalensiepunt bereik en ontkleur die oplossing. Die kleuromslag kan nog beter waargeneem word indien naby die ekwivalensiepunt 'n styseloplossing as aanduider toegevoeg word. Trijodied gee met stysel 'n diepblou kleur. Uit die hoeveelheid tiosulfaat wat by die ekwivalensiepunt bygevoeg is, kan die oorspronklike konsentrasie van die analiet bereken word.^[4]

Klassiek word hierdie tegniek met 'n buret met die hand uitgevoer, maar die meeste titrasies is nou geoutomatiseer en word deur rekenaars uitgevoer.

Verwysings

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 "safety data sheet". Besoek op 5 Augustus 2023.
↑ "KI". Materials Explorer.
↑ "Optical constants of KI (Potassium Iodide)". refractive index. Besoek op 5 Augustus 2023.
↑ "National Iodine Deficiency Disorders Control Program (NIDDCP)". saltcomindia.gov.

[SA-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 "safety data sheet". Besoek op 5 Augustus 2023.

[ME-2] "KI". Materials Explorer.

[3] "Optical constants of KI (Potassium Iodide)". refractive index. Besoek op 5 Augustus 2023.

[4] "National Iodine Deficiency Disorders Control Program (NIDDCP)". saltcomindia.gov.

[1]

[2]

[3]

[4]