Gebluste kalk

Gebluste kalk, bluskalk of kalsiumhidroksied is 'n vastestof met fomule Ca(OH)₂ en basiese eienskappe.

Eienskappe

Algemeen
Naam	Gebluste kalk
IUSTC-naam	kalsiumdihidroksied
Ander name	portlandiet
[[Lêer:Ca2+ OH− OH−|130px|center|Struktuurformule van ]]
Chemiese formule	Ca(OH)2
Molêre massa	74,09268 [g/mol]
CAS-nommer	1305-62-0
Voorkoms	Wit poeier
Fasegedrag
Selkonstantes	a=358,9; c=491,1 pm
Ruimtegroep	P3 m 1; P3 2/m 1 (trigonaal)
Nommer	164
Smeltpunt	ontbind 580 °C
Kookpunt	-
Digtheid	2,24 - 2,7 [g/cm3]
Oplosbaarheid	water 1,85 [g/L] (@0 °C), 0,71 [g/L] (@100 °C)
Ksp	5,5 10-6
Brekingsindeks	dubbelbrekend 1,574; 1.545
Hardheid	2-3 Mohs
Warmtekapasiteit	1,12 [J/K.g] (@0 °C) 1,53 [J/K.g] (@400 °C)
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Dit word gevorm uit ongebluste kalk en water met vrystelling van baie hitte:

$CaO+H_{2}O\to Ca(OH)_{2}$

Toepassings

Dit het baie toepassings in die bou-industrie.

Dit word ook toegepas in die landbou om suur in die grond te neutraliseer en toksiese vlakke aan aluminiumione neer te slaan as onskadelike alumiumhidroksied. Dit word ook as misstof gesien omrede dit kalsium en ook magnesium aan die plante lewer. Meestal is in die kommersiële produkte wat uit dolomiet vervaardig word ook magnesiumhidroksied aanwesig.

Eienskappe

Dit is 'n bietjie oplosbaar in water (1,85 [g/L] (@0 °C) en hierdie oplossing het 'n pH van 12,4 wat dit 'n bytende stof maak. Die vastestof reageer heftig met sure en kan CO₂ opneem uit die lug:

$Ca(OH)_{2}+CO_{2}\to CaCO_{3}+H_{2}O$

Dit reageer ook met chloorgas en gee bleikpoeier:

$2Ca(OH)_{2}+Cl_{2}\to Ca(OCl)_{2}+CaCl_{2}+2H_{2}O$

Met natriumkarbonaat-oplossings (soos wassoda) slaan dit deur dubbele omwisseling die baie min oplosbare kalsiumkarbonaat neer en gee bytsoda (natronloog)

$Ca(OH)_{2}+2Na^{+}+CO_{3}^{2-}\to CaCO_{3}+2Na^{+}+2OH^{-}$

Dit reageer nie met yster of staal nie, maar aluminium, lood en geelkoper word aangetas.