Maak hoofkeuseskerm oop
Kanaal van Bristol
Bristol channel landsat7.jpg
Nasa-Satellietbeeld van die Kanaal van Bristol
Bristol channel detailed map.png
Kaart van die Kanaal van Bristol
Koördinate:51°18′N 3°37′W / 51.300°N 3.617°W / 51.300; -3.617Koördinate: 51°18′N 3°37′W / 51.300°N 3.617°W / 51.300; -3.617
Ligging:Engeland en Wallis, Verenigde Koninkryk
Soort:Baai van die Atlantiese Oseaan
Lengte:135 km
Breedte:50 km
Invloei:Severn
Uitvloei:Keltiese See (Atlantiese Oseaan)
Eiland/e:Flat Holm, Steep Holm, Lundy
Nedersettings:Cardiff, Newport, Porthcawl, Swansea, Wallis
Bristol, Engeland
Die klein hawe van Lundy, 'n eiland wat deur baie by die Britse Eilande se grootste natuurwonders gereken word
Sonop oor die Kanaal van Bristol soos gesien van die wal naby die kusdorp Minehead in die grafskap Somerset, Engeland

Die Kanaal van Bristol (Engels: Bristol Channel; Wallies: Môr Hafren, letterlik "Severnsee") is 'n groot baai van die noordelike Atlantiese Oseaan wat in die weste van Groot-Brittanje ver in die eiland instrek en die graafskappe Devon en Somerset in Suidwes-Engeland van Suid-Wallis skei. Sy wydste punt is 50 km breed. Skepe, wat die naamgewende Engelse seehawe Bristol of die Walliese hawens Swansea en Cardiff aandoen, gebruik almal die Kanaal van Bristol.

Sy noordelike oewer grens aan die Suid-Walliese steenkoolvelde en is hoogs geïndustrialiseerd, terwyl die suidelike oewer in Somerset en Devon 'n oorwegend landelike karakter het. Die Severn-riviermonding is teen die kanaal se oostelike einde geleë. Die eiland Lundy, wat in die middel van die kanaal sowat 19 km wes van Ilfracombe geleë is, word tans deur die National Trust besit.

Groot dele van die kuslyn aan weerskante van die kanaal is as vanweë hul natuurskoon as Heritage Coast aangewys, insluitende Exmoor, Bideford Bay, die Hartland Point-skiereiland, die eiland Lundy, Glamorgan, die Gower-skiereiland, Suid-Pembrokeshire en die eiland Caldey.

Eksterne skakelsWysig