Kanariekurper
Die kanariekurper (Chetia flaviventris) is 'n varswatervis wat voorkom in sytakke en die boonste gedeelte van die Limpoporivier in Suider-Afrika. Die vis word tot 20 cm groot en staan in Engels bekend as die Canary kurper.
| Chetia flaviventris | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Actinopterygii |
| Orde: | Cichliformes |
| Familie: | Cichlidae |
| Genus: | Chetia |
| Spesie: | C. flaviventris
|
| Binomiale naam | |
| Chetia flaviventris (Trewavas, 1961)[1]
| |
Voorkoms
wysigDie vis is olyfbruin aan die bokant, silwer tot wit aan die sye en onderkant. Die skubbe het 'n oranje-rooi basis. Volwasse mannetjies het 'n heldergeel bors en 6-7 dowwe vertikale strepe oor die lyf. Die membrane van die dorsale- en stertvinne het rye donker kolle op. Die mannetjie se analevin is geel met oranje kolle op. Die vis word tot 200 mm lank en die Suid-Afrikaanse hengelrekord is 0.815 kg.
Habitat
wysigDie vis leef in die groter sytakke en verkies staande of stadig vloeiende water en floreer in beskermde water. Hulle vreet ongewerweldes en klein vissies. Die vis broei in die somer; die wyfie mondbroei die eiers en larwes.
Sien ook
wysigBronnelys
wysig- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1