Karin Hougaard

Afrikaanse sangeres

Karin Hougaard is 'n Afrikaanse sangeres, skrywer, digter en skilder. Sy is op die Afrikaanse musiektoneel vandat sy die ATKV se Crescendo-kompetisie in 1980 as jong 16-jarige student gewen het. Intussen het sy reeds 13 CD's uitgereik en 'n verskeidenheid pryse losgeslaan met haar musiek en verhoogwerk.

Karin Hougaard
Gebore21 Februarie
Burgersdorp, Oos-Kaap
Beroep(e)Sanger, skrywer, digter, skilder
Jare aktief1983-tans
Webwerfkarinhougaard.com

Die afgelope paar jaar het sy haar veral toegespits op musiekteater en haar verbintenis met die Nederlandse kunstenaar Herman van Veen het veral opwindende werk opgelewer:[verwysing benodig] The First Lady, 'n teaterstuk oor die lewe van Jackie Kennedy, Karin Hougaard Sings Queen en Mati Hari, 'n toneelstuk oor die Nederlandse spioen. Haar DVD, Hartstukke verskyn in November 2008. Haar eerste woordbundel, getiteld "Woorde sonder Wysies", asook 'n kortverhaal in die publikasie Amfiteater verskyn ook in 2008. Sy debuteer ook as skilder met haar eerste eenvroukunsuitstalling, Solo. In 2009 tree sy in onder meer België en Nederland op met die teaterstuk Margot. Karin en Anne van Veen se komposisie "Bij Mij" (van die CD 'Hartstukke') word in 2012 uitgesonder as een van die toptien- Nederlandse kleinkunsliedere – sogenaamde Nieuwe Klassiekers – liedere met ewigheidswaarde. Hougaard se teks "Kruietuin" word voorgeskryf as poësie vir Afrikaansleerders in gr. 11 en is ook opgeneem in die jongste FAK-sangbundel.

Karin se nuutste uitreiking met gedigte, getiteld Wegkaner, het in Februarie 2014 verskyn. Die Afrikaanse enkelsnit "Lukas", 'n duet saam met Ashton Nyte, sien ook in 2014 die lig.

In 2016 reik sy haar weergawe van Leonard Cohen se “Hallelujah” uit. Haar kortverhale is opgeneem in verskeie kortverhaalbundels soos “Skrik op die lyf” en “Amfiteater”.

In 2018 stel sy ‘n cd vry met Afrikaanse voorlesings van Anna Neethling-Pohl se vertalings van 25 Shakespeare Sonnette, ook die titel van die cd.

2020 Stel Hougaard tydens die Covid grendeltyd "Droom Ons" vry 'n enkelsnit wat handel oor die pandemie en die universele ervaring van hierdie tydperk wat manifesteer ondermeer in gedeelde drome. Sy word ook ingehuldig by die Suid-Afrikaanse Legendesmuseum.

2021 Verskyn haar 3e gepubliseerde kortverhaal "Die Bibliofiel" in die bundel "Lyfskap" uitgegee deur LAPA.

Albums wysig

Karin Hougaard se albums sluit in:

  • Eerste Afspraak – 1983
  • Herontmoeting – 1987
  • Hoogtepunte – versamelalbum
  • Bly – 1993
  • Muse – 1998
  • Metamorph – 1999
  • Karin Hougaard sings Queen – 2003
  • Hartstukke – 2006
  • Omnibus – 2007
  • Hartstukke - DVD – November 2008
  • Jou Verhaal - CD's – 2008
  • Alien Sky – 2012
  • 25 Shakespeare Sonnette – 2018

Enkelsnit wysig

  • Hallelujah - 2016
  • Droom ons (enkelsnit) - 2020

Sien ook wysig

Eksterne skakels wysig