Karoo-tot-Kus bergfietswedren
Die Karoo-tot-Kus bergfietswedren vind jaarliks tydens Septembermaand plaas. Die wedren begin in Uniondale en eindig in Knysna. Die wedrenafstand is ongeveer 104 km.[1]
Die wedren
wysigDie wedren is 'n punt-tot-punt maraton (XCM) en is meestal deel van Fietsry Suid-Afrika se Nasionale Bergfietsreeks. Daar neem ongeveer 1 500 ryers jaarliks aan die wedren deel. Die huidige rekord van net minder as 3 uur word deur Fritz Pienaar gehou.
Die roete
wysigDie wedren begin in Uniondale en loop eers vir 2 km deur die dorp voor dit suidwaarts draai en via die Ou-wapad oor die Outeniekwaberge gaan. Dan is dit ongeveer 15 km tot by Avontuur en dan word die R339 gruispad na Knysna aangedurf. Na ongeveer 10 km begin die pad daal deur die Prins Alfredpas. Die pad daal vir 14 km tot in De Vlugt. Anderkant De Vlugt klim die pad weer en Krisjan-se-nek, Buffelsnek en Diepwalle is bekende bakens. Die roete draai by Kom-se-pad af van die R339 en gaan dan deur die woud. Uiteindelik gaan die roete deur die Gounabosboustasie en daal dan skerp na die Knysnarivier. Aan die anderkant klim die roete kwaai en daal dan net so skielik tot op seevlak waar dit eindig op die sportveld.
Eksterne skakels
wysigVerwysings
wysig- ↑ Passes & Poorts. Getaway. Marion Whitehead. ISBN 978-1-77009-805-3