Ken Higgins (19 Maart 193625 April 2016) was 'n Brits-gebore Suid-Afrikaanse pianis wat op die ouderdom van vyf reeds die klavier vlot kon speel. Hy is in Bury in Lancashire, Engeland gebore en het op die ouderdom van elf na Suid-Afrika gekom. Op die ouderdom van dertien kon hy die klavierkonserte van meesters soos Joseph Haydn speel. Hy het gereeld by die Kaapstadse Simfonie-orkes opgetree.

Op die ouderdom van sestien het hy 'n meester geword in jazz, swing en boogie-woogie. Hy het die wêreld gesien deur op plesierbote laataand romantiese musiek te speel en hy het ook in spog hotelle in Brittanje, Europa en Noord-Amerika gespeel. Hy het verskeie langspeelplate en CD's uitgereik. Sy gunsteling klavier was die Steinway. Hy het ook op die Engelse diens van die SAUK en Springbokradio gespeel en programme soos In the Blue of the Evening, Piano Playtime en sy eie program Higgins at Home behartig. Laasgenoemde het hy vir 17 jaar hanteer.

Hy het sy vrou, Cecily, op sestien ontmoet en getrou toe hy agttien was. Hy was lief vir buitelug en het deelgeneem aan seiljagvaart, gholf en rolbal. Hulle het op Hermanus gewoon waar hy oorlede is, 'n uur na sy laaste konsert. Hy laat sy vrou, vier kinders, nege kleinkinders en twee agterkleinkinders agter.

Bron wysig

Ken Higgings kry 'n laaste toejuiging, Rapport, 15 Mei 2016