Kensington-paleis
Kensington-paleis (Engels: Kensington Palace) is sedert die 17de eeu ’n koninklike woning in Kensington Gardens in Londen, Engeland. Dit is vandag die amptelike woning van die Hertog en Hertogin van Gloucester; die Hertog en Hertogin van Kent; en prins en Prinses Michael van Kent.
Tot 1997 was dit die amptelike woning van Diana, die Prinses van Wallis en tot 2002 dié van prinses Margaret.
Die oorspronklike gebou is in die dorp Kensington gebou as Nottingham House vir die Graaf van Nottingham. Dit is in 1689 van sy erfgenaam gekoop omdat koning William III, wat aan asma gely het, ’n woning naby Londen maar weg van die besoedelde hoofstad wou hê. Kensington was toe ’n voorstad van Londen. ’n Private pad is van die paleis gebou na Hyde Park Corner; dit is deel van wat vandag Rotten Row is. Sir Christopher Wren het die paleis opgeknap en aanbouings gedoen.
Die laaste heersende monarg wat die paleis gebruik het, was George II. Koningin Mary, (die ouma van Elizabeth II, is in 1867 in Kensington-paleis gebore.
Eksterne skakels
wysig
Wikimedia Commons het meer media in die kategorie Kensington-paleis.
Hierdie artikel is vertaal uit die Engelse Wikipedia
