Kiëfse Petsjersk-lawra

Die Kiëfse Petsjersk-lawra (Oekraïens: Києво-Печерська лавра, Russies: Киeво-Печерская лавра), ook bekend as die Kiëfse Klooster van die Grotte, is ’n historiese Oosters-Ortodokse klooster in Kiëf. Sedert sy stigting as ’n grotklooster in 1051[1] is die lawra ’n belangrikse Ortodokse sentrum in Oos-Europa. Dit is saam met die Sint Sofia-katedraal ’n Unesco-wêrelderfenisgebied.[2] Terwyl dit ’n kultuurattraksie is, is die klooster weer aktief met meer as 100 monnike wat daar woon.

Kiëfse Petsjersk-lawra
Києво-Печерська лавра
Лавра.jpg
Land Vlag van Oekraïne Oekraïne
Soort Kloosterkompleks
Streek Kiëf
Oppervlakte 235 400 m2
Geskiedenis
Gestig 1051
Kulture Kiëf-Roes
Bewoners Meer as 100
Unesco-wêrelderfenisgebied
Deel van Sint Sofia-katedraal en Kiëfse Petsjersk-lawra
Tipe Kultureel
Kriteria i, ii, iii, iv
Verwysing 527
Inskripsie 1990 (14de sessie)
Streek† Europa en Noord-Amerika
Beskrywing* Kiev: Saint-Sophia Cathedral and Related Monastic Buildings, Kiev-Pechersk Lavra
Streek soos deur Unesco geklassifiseer.
* Naam soos op die Wêrelderfenislys

NaamWysig

 
Die herboude Mariahemelvaartkerk, 2005.

Die word petsjera beteken "grot" en "lawra" is ’n manlike klooster van ’n hoë rang in die Oosters-Ortodokse Kerk. Die klooster se naam word dus ook vertaal as die Kiëfse Grotklooster of Klooster van die Grotte.

GeboueWysig

Die Kiëfse Petsjersk-lawra bevat verskeie argitektoniese monumente, van kloktorings tot grotstelsels en versterkingsmure. Die hooftrekpleisters sluit in die Groot Lawrakloktoring en die Mariahemelvaartkatedraal, wat in die Tweede Wêreldoorlog verwoes en heeltemal herbou is. Ander kerke is die Kerk van die Alheiliges, die Kerk van die Redder by Berestowe, die Kerk van die Verheerliking van die Kruis, die Kerk van die Drie-eenheid, die Kerk van die Maagd se Geboorteskenking, ensovoorts.

Daar is ook talle ander konstruksies, soos die Sint Nikolaas-klooster, die Kiëfse Teologiese Akademie en Kweekskool, en meer as 100 grafte van onder meer grootprinse en heiliges.

GaleryWysig

 
 
 
 
 
 
 
 
 
 
 
 

VerwysingsWysig

  1. Magocsi P.R. A History of Ukraine. University of Toronto Press: Toronto, 1996. p 98.
  2. Kyiv Pechersk Lavra, St. Sophia Cathedral remain on UNESCO’s World Heritage List, Interfax-Ukraine (20 Junie 2013)

Eksterne skakelsWysig

Koördinate: 50°26′3″N 30°33′33″O / 50.43417°N 30.55917°O / 50.43417; 30.55917