Klas 32-000-diesellokomotief
Klas 32 is 'n tipe diesellokomotief - tegnies 'n diesel-elektriese lokomotief - wat eers deur die Suid-Afrikaanse Spoorweë gebruik was vir werk op die spoorlyne van die destydse Suidwes-Afrika. Om te verseker dat die aslading binne die beperking bly is spesiale draaistelle ontwerp met ponies - twee ekstra wiele - voor en agter. Dit is dus 'n 1-Co-Co-1 (Co-Co: twee drie-as draaistelle met 'n elektriese motor elk per as) ontwerp. Daar is twee reekse van Klas 32-lokomotiewe bestel by General Electric in die VSA. Die eerste bestelling van 115 van die 32-000 reeks is afgelewer van 1959 tot 1961 terwyl 'n verdere 10 eksemplare van reeks 32-200 in 1966 afgelewer is. Die eerste aflewering staan as U18C1 by die vervaardiger bekend en die tweede as U20C1. Daar is ooglopende verskille tussen die twee reekse, die eerste het 'n hoër neus voor die kajuit as die tweede.
 SAR nr's. 32-029 en 32-042 op Oudtshoorn, 22 September 2007 | |
| Tipe en oorsprong | |
|---|---|
| Kragtipe | Diesel-elektries |
| Ontwerper | General Electric |
| Vervaardiger | General Electric |
| Serienommer | 33722-33836 [1] |
| Model | GE U18C1 |
| Klas | Klas 32-000 |
| Vervaardig | 1959-1961 |
| Aantal gebou | 115 |
| Bouspesifikasies | |
| UIC wielklassifikasie | 1Co+Co1 interlink boegies[2] |
| Spoorbreedte | Kaapspoor |
| Voorwielomtrek | 762 mm |
| Wielbasis | 4.927 m per boegie |
| Lengte | 16.866 m |
| Breedte | 2.756 m |
| Hoogte | 3.924 m |
| Asbelasting | 10.18-12.7 t |
| Lokomotiefmassa | 93 t |
| Aandrywing | |
| Brandstof | Diesel |
| Brandstofkapasiteit | 4300 l |
| Primêre aandrywing | Cooper Bessemer FVBL-12 |
| Enjin o.p.m. | 400 rpm luier 1 000 rpm maksimum |
| Enjintipe | Vierslagdieselenjin |
| Belugting | Cooper-Bessemer ET13 turboaanjaer |
| Generator | DC 10 pool GE 5GT-581C5 |
| Traksiemotors | Ses GE 5GE-761A3 DC 4-pool * 600A vir 1 uur |
| Silinders | V12 |
| Transmissie | Diesel-elektries |
| Veelvuldige werking | 3 maksimum |
| Werkverrigting | |
| Maksimumspoed | 100 km/h |
| Kraglewering | 1475 kW wegtrek 1340 kW aanhoudend |
| Trekkrag | 183 kN wegtrek 146 kN teen 27 km/h |
| Hegfaktor | 25% wegtrek 20% aanhoudend |
| Lokomotiefremme | lugremme, 6-SLAV-1 met waakbeheer Dinamiese remme nie toegerus nie |
| 700 l hoofreservoir Kompressor kapasiteit: 0.039 m3/s Uitlaatkapasiteit teen hoë luierspoed: 0.155 m3/s | |
| Lokoremkrag | 60% verhouding teen 345 kPa remsilinderdruk |
| Diensgeskiedenis | |
| Gebruiker | Suid-Afrikaanse Spoorweë Spoornet Demokratiese Republiek van die Kongo |
| Aantal in klas | 115 |
| Vlootnommer(s) | 32-001 tot 32-115 |
| Afleweringsdatum | November 1959 tot November 1961 |
| Eerste tog | 1959 [3] |
Hulle is elk toegerus met 'n vierslag V12 turboaangedrewe en na-verkoelde dieselenjin wat 'n gelykstroomgenerator en ses traksiemotors, wat op die aste geïnstalleer is, aandryf. Dinamiese remme is nie toegerus nie. Drie lokomotiewe kan in serie verbind word om as een eenheid te werk.
'n Paar lokomotiewe van die reeks 32-200 het tydelik diens gedoen op die Amabele-Mthathatrajek totdat Klas 35-diesels in 1972 afgelewer is. Party van reeks 32-000 het ook diens gedoen in die Waterval-Bovengebied van 1971 to 1976.
-
Klas 32-000 no. 32-002 in Windhoek, met die nommerplate van 32-001 -
Klas 32-000 no. 32-047 op Voorbaai, naby Mosselbaai, 15 April 2013 -
Ou SAR Klas 32-000 no. 32-013 trek die Nkana-Chibuluma mynwerkerstrein op Nkanamyn se sylyne in Zambië
Eksterne skakels
wysig
Wikimedia Commons het meer media in die kategorie Suid-Afrikaanse Klas 32-000.
Verwysings
wysig- ↑ Middleton-SA Loco Guide, p. 38, 47, 67
- ↑ Paxton, Leith; Bourne, David (1985). Locomotives of the South African Railways (1ste uitg.). Kaapstad: Struik. ISBN 0869772112. pp. 138–139
- ↑ South African Railways Index and Diagrams: Electric and Diesel Locomotives, 610mm and 1065mm Gauges, Ref LXD 14/1/100/20, 28 Januarie 1975
 | Hierdie treinartikel is 'n saadjie. Jy kan Wikipedia help deur dit uit te brei. |