Kleinglansspreeu

Die kleinglansspreeu (Lamprotornis nitens) is 'n spreeu in die familie Sturnidae. Dit kom voor in Angola, Botswana, Republiek Kongo, Gabon, Lesotho, Mosambiek, Namibië, Suid-Afrika, Eswatini, Zambië, en Zimbabwe. In Engels staan dit bekend as die Cape starling of red-shouldered glossy-starling.

Kleinglansspreeu
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Sturnidae
Genus:	Lamprotornis
Spesie:	L. nitens
Binomiale naam
Lamprotornis nitens (Linnaeus, 1766)
Verspreiding van Lamprotornis nitens

Identifikasie

Die kleinglansspreeu is gewoonlik so 25 cm groot en weeg tussen 65 tot 112 g. Dit is 'n relatief groot glansspreeu met 'n kort stert wat van die ander blouoorspreeus verskil deurdat dit 'n uniforme glansgroen kop sonder donkerblou oordekvere het, plus 'n rooibrons skouerplekkie en glansgroen pens en sye (geen blou of magenta op sye nie). Dit is groter as die swartpensglansspreeu met heelwat helderder, glansender vere, en die pens is glansgroen en nie 'n vaal swart nie. Die jong voël is valer en het strooigeel (nie helder oranjegeel nie) oë.

Habitat

Die kleinglansspreeu woon in savanne, gemengde bosgebied en tuine. Dit kom gereeld in heelwat dorre gebiede voor.

Galery

• 
  'n Jong en volwasse voël in die Krugerwildtuin
• 
  In die suidelike Krugerwildtuin
• 
  Kleinglansspreeu in Etoshawildtuin, Namibië

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• Sinclair et al, Birds of southern Africa. Struik Nature, 2011. ISBN 978 1 77007 927 4