Kogelberggouestompie
Die Kogelberggouestompie (Mimetes stokoei) is 'n blomdraende struik wat tot die genus Mimetes behoort en deel van die fynbos vorm. Die spesie is endemies aan die Wes-Kaap en kom slegs in Kogelberg voor. Die struik is regop, word 2 m hoog en blom regdeur die jaar.
| Kogelberggouestompie | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Mimetes |
| Spesie: | M. stokoei
|
| Binomiale naam | |
| Mimetes stokoei E.Phillips & Hutch., (1922)
| |
Vuur vernietig die plant maar die sade oorleef. Twee tot ses maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van voëls. Die plant groei op sanderige hellings op hoogtes van 560-600 m.
In Engels staan dit as die Mace Pagoda bekend.
M. stokoei is in 1922 ontdek deur botanikus T.P. Stokoe in die Kogelberg en vir die laaste keer in 1967 gesien. In Desember 1999 was daar 'n verwoestende brand in die Kogelberg. In Januarie 2001 het die Kogelberg-natuurreservaat bestuurder, Mark Johns en sy vrou Amida, egter 24 nuwe plante ontdek wat as M. stokoei geidentifiseer is.
