Konstantyn van Rostof

Konstantyn (Russies: Константи́н Все́володович; 18 Mei 1186 – 2 Februarie 1218) was van 1207 tot 1216 prins van Rostof en van 1216 tot 1218 grootprins van Wladimir. Hy was die oudste seun van Wsewolod die Groot Nes en Maria Sjwarnowna.

Konstantyn
Prins van Rostof Grootprins van Wladimir
Die welwillendheid van die Grootprins Konstantyn van Rostof, skildery deur Boris Chorikof
Periode	1207–1216 – Rostof 1216–1218 – Wladimir
Voorganger	Wsewolod die Groot Nes
Opvolger	Joeri II (in Wladimir)
Huis	Rjoerik
Vader	Wsewolod die Groot Nes
Gebore	18 Mei 1186
Oorlede	2 Februarie 1218

In 1206 en 1207 was Konstantyn die prins van Nowgorod. In 1207 het sy pa hom gestuur om oor die stede Rostof en Jaroslawl te regeer. Wsewolod wou hê sy jonger broer Joeri moes Rostof erf en Konstantyn vir Wladimir. Konstantyn het egter verklaar hy sou óf oor albei stede óf oor niks regeer. Daarna het Wsewolod hom onterf en in 1212 het Joeri die troon geërf.

In 1216 het Konstantyn vir Joeri en sy broers verslaan en Wladimir oorgeneem. Hy het Joeri gestuur om oor Rostof en Jaroslawl te regeer. Twee jaar later is Konstantyn dood en het Joeri na Wladimir teruggekeer.

Konstantyn se nageslag het die stede Rostof en Jaroslawl behou en tot die 15de eeu daar regeer.

Hierdie artikel is vertaal vanuit die Engelse Wikipedia