Koper(II)oksied

chemiese verbinding

Koper(II)oksied is 'n chemiese verbinding van koper met suurstof (formule: CuO). Dit is 'n swart vastestof.

Eienskappe

Algemeen

Naam Koper(II)oksied
Struktuurformule van Koper(II)oksied
Struktuurformule van Koper(II)oksied
Chemiese formule CuO
Molêre massa 79,55 [g/mol]
CAS-nommer 1317-38-0 [1]  
Voorkoms Swart vastestof
Fasegedrag  
Selkonstantes a:4,6837 b:3,4226 c:5,1288 α,γ=90 β=99,53[2]  
Ruimtegroep C2/c 
Nommer 15  
Schönfliess-simbool C62h
Smeltpunt 1330 °C [3]ontbind [1]
Kookpunt ontbind
Digtheid 6,315 rel.[1]
Oplosbaarheid

Suur-basis eienskappe

pKa

Veiligheid

Flitspunt

Tensy anders vermeld is alle data vir standaardtemperatuur en -druk toestande.

 
Portaal Chemie

Chemiese struktuur wysig

Die koperatoom het 'n oksidasietoestand 2+, wat ooreenkom met 'n elektronkonfigurasie vir die Cu2+-ioon van [Ar]3d9. Die een ontbrekende d-elektron in die subskil maak dit tot 'n ioon wat Jahn-Teller-vervorming sal ondergaan en dit kan in sy kristalstruktuur teruggevind word. Die koperione het 'n vervormde oktaëdriese omringing, wat verklaar dat hierdie struktuur 'n taamlik lae, monokliene simmetrie besit.

Vervaardiging wysig

Koper(II) oksied word dikwels vervaardig wanneer hidrometallurgiese tegnieke gebruik word om koper uit te loog. In hierdie proses word suurstof uit die lug as oxidasiemiddel gebruik en 'n ammoniakale ammoniumkarbonaatoplossing om die element oplosbaar te maak. Die oorhoofse proses is:

 

Ander meatale soos kalsium, magnesium, yster, mangaan, aluminium, lood en chroom gaan nie of net min in oplossing in hierde proses en die oplossing kan nog verder gesuiwer word. Ammoniak en koolstofdioksied kan deur stoominjeksie verwyder word en dit lewer 'n neerslag van koper(II)oksied.[3]

Reaksies wysig

Onder hoë suurstofdruk smelt die stof by 1330 °C, maar die stof ontbind naby 1030 °C onder atmosferiese druk en vorm die koper(I)oksied. In teenwoordigheid van waterstof en koolstofmonoksied word dit by 250 °CC in die metaal koper omgesit.[3]

Gebruike wysig

Koper(II)oksied word aan glas- en glasuur-mengsels bygevoeg. Dit gee die produk 'n akwamaryn kleur. Indien dit onder reduserende kondisies gedoen word en die koper tot +1 gereduseer word, word die kleur robynrooi.[4]

Verwysings wysig

  1. 1,0 1,1 1,2 MSDS.
  2. "American Mineroligist" (in Engels). Geargiveer vanaf die oorspronklike op 18 Mei 2019.
  3. 3,0 3,1 3,2 Handbook of Copper Compounds and Applications, H. Wayne Richardson, CRC Press, 1997, ISBN 0-8247-8998-9, ISBN 978-0-8247-8998-5 bls.59
  4. "Copper Oxide for glass applications". Todini.