Kreupelboom
Spesie van die stompies
Die kreupelboom (Mimetes hirtus) is 'n blomdraende struik wat tot die genus Mimetes behoort en deel van die fynbos vorm. Die spesie is endemies aan die Wes-Kaap, waar dit voorkom op die Kaapse Skiereiland en van Bettiesbaai tot by Elim. Die struik is regop en word 2.5 m hoog en dra blomme van Mei tot November.
| Kreupelboom | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Mimetes |
| Spesie: | M. hirtus
|
| Binomiale naam | |
| Mimetes hirtus (L.) Salisb. ex Knight, (1809)
| |
| Sinonieme | |
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van voëls. Die plant groei in sanderige moerasse en op die rante van vleie op hoogtes van 0-400 m.
In Engels staan dit as die Marsh Pagoda bekend.
_(45391864895).jpg)
