Kronstadt

Kronstadt (Russies: Кронштадт; Kronsjtadt; «Kroonstad») is 'n versterkte Russiese hawestad op die eiland Kotlin in die oostelike deel van die Golf van Finland. Kronstadt is tans 'n administratiewe distrik van Sint Petersburg en sowat 30 km wes van die middestad geleë. Volgens die 2010-sensus het die plek 'n bevolking van 43 005.

Kronstadt Кронштадт
Kaart	Wapen
	Vlag
Land	Rusland
Federale distrik	Noordwestelike
Federale subjek	Sint Petersburg
Koördinate	60°00′N 29°46′O
Stigting	18 Mei 1704
Stadstatus	1704
Bevolking:
- Totaal (2010)	43 005
Tydsone	UTC +4
Amptelike Webwerf	old.gov.spb.ru

Sint Nikolaas-Vlootkatedraal, 'n meesterwerk van Russiese Neo-Bisantynse boukuns, opgerig tussen 1908 en 1913

Vlootkatedraal -plafonskildery met Jesus-portret

Kadette van die militêre akademie in die Vlootkatedraal

Historiese stoorhuis N^o. 5 langs die Obwodni-kanaal

Fort Alexander I

Die Sint Petersburgdam verbind Kronstadt met die metropool aan die Newa. Dit maak daarnaas deel uit van 'n versperring wat Sint Petersburg teen vloedwater beskerm

Kronstadt is een van Sint Petersburg se belangrikste hawens. 'n Basis van die Oosseevloot is ook hier geleë. Ortodokse Christene onderneem gereelde pelgrimstogte na die stad. Toere per bus en boot word daagliks van Sint Petersburg na Kronstadt onderneem.

In 1990 is die historiese middestad en die verskeie vestings deur Unesco as deel van Sint Petersburg se wêrelderfenisgebied gelys.

In Maart 1921 het die Kronstadt-rebellie hier plaasgevind.

Verdere leesstof

• (en) The 900 days; The siege of Leningrad, outeur: Harrison E. Salisbury, uitgewery: Da Capo Press, ISBN 0-306-81298-3 of ISBN 978-2-306-81298-3

Eksterne skakels

• Wikimedia Commons het meer media in die kategorie Kronstadt.
• (en) (fr) Amptelike UNESCO bladsy