Kuboes

Kuboes, 'n afgeleë dorpie in die Richtersveld, is 'n eertydse sendingstasie van die Rynse Sendinggenootskap. Dit is in die middel van die 19de eeu gestig as 'n substasie van Steinkopf. Dit is 'n mooi dorp rondom 'n eenvoudige kerkkompleks wat dateer uit 1893. Kuboes word hoofsaaklik bewoon deur Namas en Basters. Dit word beskou as die vesting van die Namakultuur. Kuboes is 'n Namawoord met die betekenis van 'ronde fontein'. Kuboesberg, Van der Sterrberg en Ploegberg omring die dorp.

Kuboes
Dorpie
Ou sendingkerk in Kuboes
Kuboes  Kuboes se ligging in Noord-Kaap
Koördinate: 28°26′49″S 16°59′21″O
Land	Suid-Afrika
Provinsie	Noord-Kaap
Distrik	Namakwa
Munisipaliteit	Richtersveld
Oppervlak
• Totaal	0,88 km2 (0,34 vk. myl)
Bevolking  (2011)
• Totaal	948
• Digtheid	1 077/km2 (2 790/vk. myl)
Rasverdeling (2011)
• Indiërs/Asiërs	0.2%
• Bruin mense	95.5%
• Swart mense	0.6%
• Ander	3.7%
Taal (2011)
• Afrikaans	96.5%
• Engels	1.3%
• Ander	2.2%
Poskode (strate)	8292

Kuboes lê net noord van die Richtersveld Community Conservancy en net suid van die ǀAi-ǀAis/Richtersveld-vredespark; dus het toerisme in die laaste jare 'n oplewing getoon. Nogtans is hier geen outobank nie, maar wel selfoonontvangs. Die naaste vulstasie is 25 km verder by die Bakenmyn by Sanddrif.

Sien ook

• Lys van dorpe in Suid-Afrika