Kussingvygie
Die Kussingvygie (Stomatium mustellinum) is 'n vetplantjie uit die vygiefamilie Aizoaceae. Dit is endemies aan Suid-Afrika en kom in die Noord-Kaap en die Vrystaat voor. Op die SANBI-rooilys is dit as 'veilig' (LC) gelys.[1]
| Kussingvygie | |
|---|---|
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Caryophyllales |
| Familie: | Aizoaceae |
| Genus: | Stomatium |
| Spesie: | S. mustellinum
|
| Binomiale naam | |
| Stomatium mustellinum (Salm-Dyck) Schwantes, (1926)
| |
| Sinonieme | |
| |
Dit is 'n klein meerjarige plantjie wat rosette vorm. Dit het 4-6 paar klein blaartjies op kort takkies. Beide blare wat 'n paar vorm het 'n onreëlmatige amper driehoekige deursnee wat aan die top gekield of bootvormig is. Die rande en die kiel is breedgetand. Die blare is grysgroen en rubberagtig. Dit kry enkele blomme wat 30 mm in deursnee is en baie fyn geel blomblaartjies het.[2]
Soos talle ander Suid-Afrikaanse spesies word hulle ook in tuine in ander lande, soos in die deelstaat Colorado van die Verenigde State gekweek.[3]
S. mustellinum is 'n diagnostiese spesies van 'n grasveld-plantegroeitipe , soos dit in Bloemfontein aangetref word en wat Oropetium capense – Eragrostis nindensis genoem word. [4]
Verwysings
wysig- ↑ "SANBI-rooilys" (in Engels). Geargiveer vanaf die oorspronklike op 19 Mei 2020.
- ↑ "PlantZAfrika" (in Engels). Geargiveer vanaf die oorspronklike op 22 Augustus 2016. Besoek op 24 Desember 2016.
- ↑ "The Denver Post 24 April 2013" (in Engels). Geargiveer vanaf die oorspronklike op 24 Desember 2016.
- ↑ Mamokete N.V. Dingaan, Pieter J. Du Preez (2017). "Floristic composition and species diversity of urban vegetation in Bloemfontein, Free State, South Africa". Bothalia - African Biodiversity & Conservation. 47 (1): 1–15.
{{cite journal}}: AS1-onderhoud: gebruik authors-parameter (link)