Kwik(II)chloried

Kwik(II)chloried is 'n verbinding van kwik is sy oksidasietoestand +2 met chloor en die chemiese formule HgCl₂. Dit is 'n molekulêre verbinding. Kwik(II)chloreid is soos die meeste kwikverbindings baie toksies. In teenstelling met kwik(I)chloried is hierdie verbinding goed oplosbaar in water wat die biologiese beskikbaarheid vergroot.

**Eienskappe**
Algemeen
Naam	Kwik(II)chloried
Struktuurformule van
Chemiese formule	HgCl₂
Molêre massa	271,5 [g/mol]^[1]
CAS-nommer	7487-94-7^[1]
Voorkoms	wit vastestof^[1]
Reuk	Reukloos ^[1]
Fasegedrag
Selkonstantes	a1273,5; b=596,3 pm;c=432,5 pm ^[2]
Ruimtegroep	Pnma
Nommer	62
Strukturbericht	C25
Smeltpunt	277 °C^[1]
Kookpunt	302 °C^[1]
Digtheid	5,44
Oplosbaarheid	74 [g/L]^[1]
Suur-basis eienskappe
pKa
Veiligheid
Flitspunt	nie-brandbaar
LD₅₀	1 [mg/kg] (oraal; rot)^[1]
Tensy anders vermeld is alle data vir standaardtemperatuur en -druk toestande.

Portaal Chemie

Kristalstruktuur

Die verbinding kristalliseer in 'n ortorombiese struktuur wat die argetipe van die C25-struktuur van die strukturbericht-klassifikasie is. Die struktuur bestaan uit 'n stapeling van lineêre Cl-Hg-Cl-molekules.

Chemiese eienskappe

Die verbinding word ook sublimaat genoem. Dit word gevorm uit kwik en chloor en is taamlik vlugtig.^[3]

Hg(g)+Cl_{2}(g)\rightarrow HgCl_{2}(g)

Dit kan ook verkry word deur kwik(II)sulfaat met natriumchloried te verhit:

HgSO_{4}(s)+2NaCl(s)\xrightarrow {hitte} Na_{2}SO_{4}(s)+HgCl_{2}(g)\uparrow

Uit vriespuntsverlaging blyk dat dit in water veral as molekules oplos en weinig in ione dissosieer. Dit is ook in alkohol en eter oplosbaar.

Gebruike

Kwikchloried word gebruik in preserveermiddels vir hout en anatomiese monsters, balsemingsoplossings, ontsmettingsmiddels, fotografiese versterkers, leerlooiery en saadbehandelings. Chemiese aanwendings is analitiese reagense en as reagense vir die organiese sintese en die vervaardiging van ander kwikbevattende verbindings.

In die verlede is farmaseutiese middels wat kwikchloried bevat ook terapeuties gebruik as antiseptika en ontsmettingsmiddels. Alhoewel die gebruik van kwiksoute in verbruikersprodukte, soos medisinale produkte vir die behandeling van 'n verskeidenheid siektes, insluitend tandekry, geelkoors en hardlywigheid, vanweë die toksisiteit gestaak is, word anorganiese kwikverbindings soos kwikchloried steeds wyd gebruik in skoonheidsmiddels en in seep en room vir velverligting.^[4]

Verwysings

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 "MSDS". Fisher. Besoek op 10 Oktober 2023.
↑ "Hg2Cl2". Aflow.
↑ Burg, J.H.N. van der (1935). Leerboek der scheikunde voor het voorbereidend hoger- en middelbaar onderwijs. Wolters.{{cite book}}: AS1-onderhoud: gebruik authors-parameter (link)
↑ Teresa Urbano, Marcella Malavolti, Marco Vinceti, Tommaso Filippini (2022). Mercuric chloride (HgCl2) in: Reference Module in Biomedical Sciences. Elsevier. doi:10.1016/B978-0-12-824315-2.00084-1. ISBN 9780128012383.{{cite book}}: AS1-onderhoud: gebruik authors-parameter (link)

Eksterne skakel

Video waarin kwik(II)chloried uit kwik verkry word

[FS-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 "MSDS". Fisher. Besoek op 10 Oktober 2023.

[2] "Hg2Cl2". Aflow.

[3] Burg, J.H.N. van der (1935). Leerboek der scheikunde voor het voorbereidend hoger- en middelbaar onderwijs. Wolters.{{cite book}}: AS1-onderhoud: gebruik authors-parameter (link)

[4] Teresa Urbano, Marcella Malavolti, Marco Vinceti, Tommaso Filippini (2022). Mercuric chloride (HgCl2) in: Reference Module in Biomedical Sciences. Elsevier. doi:10.1016/B978-0-12-824315-2.00084-1. ISBN 9780128012383.{{cite book}}: AS1-onderhoud: gebruik authors-parameter (link)

[1]

[2]

[3]

[4]