Lys Pim Fortuyn
Die Lys Pim Fortuyn (Nederlands: Lijst Pim Fortuyn, LPF) was 'n Nederlandse populistiese politieke party, wat op 14 Februarie 2002 gestig en op 1 Januarie 2008 opgehef is.
| Lijst Pim Fortuyn | |
| LPF | |
| |
Logo van die LPF
| |
| Leier | Pim Fortuyn (2002) † Mat Herben (2002) Harry Wijnschenk (2002) Mat Herben (2002-2004) Gerard van As (2004-2006) Mat Herben (2006) Olaf Stuger (2006) |
|---|---|
| Gestig | 14 Februarie 2002 |
| Ontbind | 1 Januarie 2008 |
| Hoofkwartier | Rotterdam, Nederland |
| Jeugvleuel | Jonge Fortuynisten |
| Ideologie | Euroskepties, Republikanisme, Klassiek-liberalisme |
| Amptelike kleure | Geel en blou |
Die oprigter was die op 6 Mei 2002 vermoorde sosioloog Pim Fortuyn. By die verkiesings vir die Tweede Kamer van 15 Mei 2002 het die Lys Pim Fortuyn 26 setels behaal. Met die christen-demokratiese Christen-Demokratiese Appèl (CDA) en die regs-liberale Volksparty vir Vryheid en Demokrasie (VVD) het die LPF op 22 Julie 2002 die Balkenende I-kabinet gevorm. Vanweë die deurlopende rusies in die LPF (veral tussen adjunk-premier Bomhoff en minister van Ekonomiese Sake Heinsbroek) het die kabinet al op 16 Oktober 2002 geval; tot 27 Mei 2003 was die kabinet demissionêr. By die verkiesings van die Tweede Kamer in 2003 het die Lys Pim Fortuyn nog slegs 8 setels behaal en by die verkiesings in 2006 0 setels.
Die Party vir die Vryheid van Geert Wilders kan as 'n voorsetting van die Lys Pim Fortuyn beskou word.
