Laerskool Goede Hoop, Mayfair

Die Laerskool Goede Hoop (dikwels ook Goedehoop geskryf) was ’n Afrikaansmediumskool in die Johannesburgse voorstad Mayfair.

Die bestuur van die Randse Kring van Afrikaanse Skoolhoofde en Onderhoofde, 1954. Van links: J.J. Nel (Richmond-laerskool, penningmeester), dr. J.H. Oosthuizen (Langlaagte-laerskool, voorsitter), I.J. Grové (Aucklandparkse Laerskool), J.J. van Wyk (Laerskool Goede Hoop, sekretaris) en J.J.F. du Toit (Laerskool Johan Rissik, ondervoorsitter).

Die skool het in 1990 gesluit weens ’n dalende leerdertal. In dié tyd het Mayfair, wat toe nog ’n blanke groepsgebied was, reeds ’n sogenaamde grys gebied geword met ’n groot Indiërbevolking. In Junie 1990 het die Transvaalse onderwysdepartement besluit om die skool aan die Raad van Afgevaardigdes oor te dra in die dringende behoefte aan Indiërskole in Sentraal-Johannesburg te voorsien. Omstreeks dieselfde tyd het ook die Engelsmedium Crown Reef Primary, ook ’n wit skool in Mayfair se omgewing, gesluit weens dieselfde probleem van ’n dalende leerdertal.