Lakehurst

Lakehurst is 'n nedersetting in Ocean County in die deelstaat New Jersey. Dit is ongeveer 12 km suidwes van Lakewood. Die ekonomie van die nedersetting was eers afhanklik van yster- en spoorwegindustrieë, maar is nou afhanklik van die Vloot Lugmagbasis wat daarnaby geleë is. Die spoorwegaktiwiteite het tot 'n stilstand gekom tydens die Groot Depressie in 1932. Die nedersetting het toe 'n moeilike tyd beleef, maar het 'n oplewing ondergaan tydens die Tweede Wêreldoorlog.

Lakehurst
Kaart	Wapen
	Vlag
Land	Verenigde State
Deelstaat	New Jersey
County	Ocean
Koördinate	40°1′N 74°19′W
Stigting
Geïnkorporeer op	7 April 1921
Oppervlakte:
- Totaal	2,610 vk km
Hoogte bo seevlak	20 m
Bevolking:
- Totaal (2013)	2 700
- Bevolkingsdigtheid	1 120/vk km
Tydsone	EST (UTC -5)
Somertyd	EDT (UTC -4)
Burgemeester	Harry Robbins (R)
Amptelike Webwerf	lakehurstnj.org

Die area vir die lugmagbasis was in 1919 toegeken aan die Amerikaanse Vloot om gebruik te word as basis vir ligter-as-lug tuie soos lugskepe. Die eerste Amerikaanse lugskip die Shenandoah het haar nooiensvaart hier gemaak in 1929. Die lugskip Graf Zeppelin het sy reis om die wêreld van 21 dae hier begin en geëindig. Die Akron het ook sy laaste rampvlug hier begin in 1933 en die Hindenburg het hier aan die brand geslaan en totaal uitgebrand op 6 Mei 1937. Hierna het die basis sy belangrikheid verloor en was relatief stil totdat dit gebruik was as 'n vlootopleidingsentrum tydens die Tweede Wêreldoorlog. Vliegtuigbemannings is opgelei in die kuns van duikbootopsporing. Daarna is dit gebruik as 'n helikopteropleidingsbasis.

Bron

• Collier's Encyclopedia, Crowell-Collier Educational Corporation, volume 14, bladsy 271.