Leipoldt se spinnekopbos
Spesie van die spinnekopbosse
Die Leipoldt se spinnekopbos (Serruria leipoldtii) is 'n blomdraende struik wat tot die genus Serruria behoort en deel van die fynbos vorm. Die spesie is endemies aan die Wes-Kaap en kom in die noordelike Sederberg voor. Die struik word tot 1.5 m lank met 'n deursnee van 30 cm en blom in die somer tot herfs.
| Leipoldt se spinnekopbos | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Serruria |
| Spesie: | S. leipoldtii
|
| Binomiale naam | |
| Serruria leipoldtii E.Phillips & Hutch., (1912)
| |
Die plant spruit weer uit na 'n brand. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Die plant groei in sandsteengrond op hoogtes van 1000 - 1400 m.
Die plant is vernoem na die Afrikaanse digter C. Louis Leipoldt en in Engels staan dit as Leipoldt's Spiderhead bekend.