Leo I-dwergsterrestelsel
Die Leo I-dwergsterrestelsel is ’n sferoïdale satellietstelsel van die Melkweg in die sterrebeeld Leeu (Leo). Teen ’n afstand van 820 000 ligjare van die Son af, is dit een van die Melkweg se verste satelliete. Dit is in 1950 deur Albert George Wilson ontdek op fotoplate van die National Geographic Society in Washington, D.C. se Palomar-sterrewag-lugopname.[1][2]
| Leo I-dwergsterrestelsel | ||||
| ||||
| Leo I is ’n dowwe kol regs van die helder ster Regulus. | ||||
| Soort stelsel | Dwergsterrestelsel | |||
| Sterrebeeld | Leeu (Leo) | |||
| Tipe | E;dSph | |||
| Waarnemingsdata (Epog J2000) | ||||
| Regte klimming | 10h 08m 27,4s | |||
| Deklinasie | +12º 18' 27" | |||
| Skynmagnitude (m) | 11,2 | |||
| Besonderhede | ||||
| Afstand (ligjaar) | 820 000 | |||
| Skynbare grootte | 9′,8 × 7′,4 | |||
| Rooiverskuiwing | 285 ± 2 km/s | |||
| Besonderse kenmerke | Melkwegsatelliet | |||
| Ander name | UGC 5470, PGC 29488, DDO 74, A1006, Harrington-Wilson #1, Regulus-dwerg | |||
| Lugkoördinate | ||||
| 10h 08m 27.4s, +12° 18′ 27″ | ||||
| ||||
Eienskappe
wysigDie meting van die radiale snelhede van sommige rooi reuse in Leo I het dit moontlik gemaak om sy massa te bereken – dit is minstens 2 x 107 sonmassas. Die resultate is nie beslissend nie en bevestig of ontken nie die bestaan van ’n groot halo van donkermaterie om die stelsel nie. Dit lyk egter seker dat die stelsel nie draai nie.[2]
Sommige sterrekundiges meen dat Leo I ’n gety-afvalstroom in die buitenste ligkring van die Melkweg is, maar dit is nog nie bevestig nie.[2]
Tipies van ’n dwergsterrestelsel, bevat Leo I baie min metale – net sowat 1% van dié van die Son. Gallart et al. (1999) het uit waarnemings deur die Hubble-ruimteteleskoop afgelei dat die sterrestelsel tussen 2 miljard en 6 miljard jaar gelede ’n groot toename in stervorming ondergaan het (wat verantwoordelik was vir 70% tot 80% van sy sterre). Daar is geen bewyse van sterre wat ouer as 10 miljard jaar is nie. Sowat 1 miljard jaar gelede het stervorming feitlik tot stilstand gekom. Dus kan dit die jongste sferoïdale dwergsterrestelsel van die Melkweg wees. Boonop kan die stelsel omgewe wees deur ’n wolk van geïoniseerde gas met ’n massa gelykstaande aan dié van die hele stelsel.[2][3]
Regulus
wysigLeo I is sowat 12 boogminute van die ster Regulus, die helderste ster in die sterrebeeld. Daarom word dit soms die Regulus-dwerg genoem. Die ster se verspreide lig maak dit moeiliker om die sterrestelsel te bestudeer, en dit is eers in die 1990's visueel waargeneem.[1][2]
Verwysings
wysig- ↑ 1,0 1,1 "Leo I". SEDS Messier Database (in Engels). Geargiveer vanaf die oorspronklike op 5 Augustus 2011. Besoek op 15 Mei 2006.
- ↑ 2,0 2,1 2,2 2,3 2,4 Van den Bergh, Sidney (2000). Galaxies of the Local Group (1st uitg.). Cambridge University Press. pp. 243–245. ISBN 0-521-65181-6.
- ↑ van den Bergh, Sidney (April 2000). "Updated Information on the Local Group". The Publications of the Astronomical Society of the Pacific. 1sss. 112 (770): 529–536. arXiv:astro-ph/0001040. Bibcode:2000PASP..112..529V. doi:10.1086/316548.
Eksterne skakels
wysig
Wikimedia Commons het meer media in die kategorie Dwergsterrestelsels.
Hierdie artikel is vertaal uit die Engelse Wikipedia
